Blerja me të madhe në Zvicër , pse nuk duhet të shqetësoheni

Supermarkete në vende të caktuara ishin zbrazur pjesërisht nga disa sende që nuk mund të prishen, pasi bërja e panikut rezultoi në mungesë ushqimi në disa dyqane.Produktet e konservuara dhe të ngrira, letra higjienike, miell, sheqer dhe sapun ishin veçanërisht të pakta, përcjell albinfo.ch.

Zëdhënësi i Migros-it, Tristan Cerf madje shkoi në televizionin RTS për të kërkuar falje për konsumatorët zviceranë. “Ishte një situatë e jashtëzakonshme, por aktualisht nuk ekziston rreziku i një mungesë të përgjithshme dhe nuk ka nevojë për të krijuar aksione të mëdha”, tha ai.”Ne do të vazhdojmë të shpërndajmë dhe mbushim rafte”, shtoi Cerf. “Depot tona janë të pajisura plotësisht dhe shpërndarja është e siguruar”.

Një zëdhënës për Aldi i tha RTS se dyqanet fillimisht kishin vështirësi në shpërndarje, veçanërisht nga furnizuesit italianë. Por artikujt që mungonin ishin zëvendësuar me produkte alternative dhe supermarketet tani furnizohen çdo ditë me asortimentin e plotë, përcjell tutje albinfo.ch.

Një përfaqësues për Coop gjithashtu tha që zinxhiri “po bën gjithçka që është e mundur për të siguruar disponueshmërinë e mallrave”.

Edhe pse Këshilli Federal shpalli gjendje të jashtëzakonshme të hënën, duke mbyllur të gjitha dyqanet, restorantet, baret, dhe objektet argëtuese dhe të kohës së lirë në të gjithë Zvicrën deri më 19 prill, dyqanet ushqimore dhe farmacitë do të qëndrojnë të hapura.

/albinfo