Bekteshi: Dënime të larta për tregtarët që rrisin çmimet produkteve

Ministri i ekonomisë Kreshnik Bekteshi së bashku me inspektorët e Inspektoratit Shtetëror të Tregut dhe drejtorin e Agjencisë për ushqim dhe veterinari(AUV) kanë bërë një inspektim të jashtëzakonshëm në disa prej supermarketeve.

Ministri Bekteshi ju ka bërë apel qytetarëve që të mos krijojnë panikë, pasi furnizime ushqimore ka mjaftueshëm. Ai gjithashtu, ka thënë se Ministria e Ekonomisë do të propozojë deri tek qeveria e RMV që të ngrijë çmimet e mallrave për të mbrojur qytetarët nga manipulimet me çmimet.

“Dua të bëj apel deri tek qytetarët dhe t’ju kumtoj se nuk ka vend për panik sa i përket furnizimeve të mjaftueshme ushqimore. Sipas dispozitave të Ligjit për tregti, Ministria e Ekonomisë i propozoi Qeverisë masa për të ngrirë çmimet e mallrave bazë për të shmangur tronditjet e çmimeve. Këto masa do të diskutohen në seancën e sotme qeveritare. Qëllimi ynë kryesor është mbrojtja e qytetarëve”, ka thënë Bekteshi.

Ministri i ekonomisë, Kreshnik Bekteshi inforomon se është miratuar propozimi i Ministrisë së Ekonomisë për ndalesë për rritjen e çmimeve të produketeve nga tregtarët!

Nga nesër dënime të mëdha për ata që do të dëmtojnë qytetarët, dhe pa baze do rrisin çmimet. E paraparë edhe padi penale për abuzuesit!” – tha Bekteshi

/lajmpress