Zaev: Shëndeti i qytetarëve më i rëndësishëm se zgjedhjet

Edhe kreu i LSDM-së, Zoran Zaev, me të njëjtin qëndrim, shëndeti i qytetarëve më i rëndësishëm se zgjedhjet.

“Këtë vendim duhet ta sjellim të gjithë së bashku. Këtë ne e propozojmë sot si parti më e madhe në pushtet. Duhet të bëjmë llogari edhe cilat do të jenë pasojat e shtyrjes së zgjedhjeve mbi ekonominë, por të gjithë e dimë se gjendja aktuale e bën situatën të pakëndshme mënyrën se si do të organizohet votimi, mbledhjet në vendvotime, etj.

Shpresoj se së bashku do të ndërtojmë qëndrim për shtyrjen e zgjedhjeve. Ekzistojnë disa elemente që përcaktojnë se kur mund të mbahen zgjedhjet por kryesorja është shëndeti publik. Detajet për një datë të saktë e lej për t’i diskutuar në takimin e liderëve”, deklaroi Zoran Zaev, kryetar i LSDM-së.

Zaev nuk përjashton edhe mundësin e shpalljes së gjendjes së jashtëzakonshme. Sipas tij gjendja e jashtëzakonshme ndihmon në menaxhimin më të mirë të situatës.

“Gjendja e jashtëzakonshme ndonjëherë shpallet si vegël për menaxhimin e situatës. Sot kemi koordinim, gjatë kësaj periudhe ndihmojmë me aq sa mundemi. Së shpejti do të publikohen edhe analizat. Vendet rreth nesh si Serbia, Kosova dhe Shqipëria kanë shpallur gjendje të jashtëzakonshme, besoj që edhe ne ecim në këtë drejtim”, tha Zaev.