Reagime nga mjekët: Fushata e paralajmëruar nga BDI mund të përhapë më shumë Koronavirusin!?

Epidimiologët dhe mjekët e përgjithshëm të cilët kemi konsultuar u bëjnë apel qytetarëve të jenë të kujdesshëm ndaj keqpërdorimeve politike që po bëhen nga subjekte të caktuara, me qëllim që të përfitojnë pikë nga situata e krijuar si pasojë e Koronavirusit.
Dduke komentuar fushatën e paralajmëruar prej BDI-së, vlerësojnë se kjo fushatë vetëm se mund të përhapë edhe më tepër virusin e rrezikshëm Korona.

“Në kërkim të votave dhe pikave politike, partitë duhet ta kenë parasysh kujdesin për qytetarët. Në këtë rast, BDI nuk është duke treguar kujdes, por është duke rrezikuar qytetarët. Aksioni i tyre që kanë paralajmëruar prej të hënën është joserioz dhe kërkojmë nga institucionet kompetente ta parandalojnë, sepse mund të përkeqësojë situatën. Edhe organet e rendit duhet të veprojnë në kësi raste”, thonë përfaqësues të kësaj Ministrie.

Jozyrtarish edhe nga MSH apelojnë te qytetarët që për situatën me virusin Korona të mos njoftohen nëpër faqe të partive politike, por nga Institucionet zyrtare, siç është Ministria e Shëndetësisë dhe Qeveria.

Mjekët poashtu theksojnë se qytetarët në asnjë mënyrë nuk duhet të kërkojnë shërbime nga aktivistë partiakë, sepse ata mund të jenë bartës të virusit të rrezikshëm Korona.
BDI prej të hënën ka paralajmëruar se “10 mijë aktivistë të saj” do të jenë në disponim të qytetarëve që kanë nevojë, por paralajmërimi i kësaj partie ka shqetësuar edhe autoritetet edhe qytetarët.
Edhe kryetari i komunës së Gostivarit, Arben Taravari, ish ministër i shëndetësisë, ka vlerësuar se personat që nuk janë të testuar nga Koronavirusi nuk duhet të ju ofrojnë shërbime personave tjerë, nëse nuk janë mjekë ose personel mjekësor.

/lajmpress