Maqedonia mbyll kufijt !
Ministri i Punëve të Brendshme, Naqe Çulev nga Tetova, ku ishte për vizitë në Sektorin e Punëve të brendshme, theksoi se në drejtim të parandalimit të valës së re të emigrantëve, do të mbyllet tërësisht kufiri jugor. Vlerëson se ka gatishmëri për atë procedurë.
“Maqedonia është në komunikim të vazhdueshëm edhe me FRONTEKS-in edhe me partnerët tanë nga BE-ja. Maqedonia definitivisht do ta mbyllë kufirin dhe ne kemi kapacitete lidhur me krizën e kaluar të emigrantëve dhe tani jemi shumë më mirë të përgatitur.
Kemi edhe policë partnerë në patrulla të përbashkëta në kufirin jugor. Për momentin janë 131 policë nga tetë shtete dhe kemi mjete materiale teknike. Do të japim maksimumin për ta mbyllur kufirin tonë dhe të parandalojmë valë të re emigrantësh drejt territorit të shtetit tonë dhe me atë drejt territorit të BE-së”, theksoi Çulev.
Tani prë tani, sipas ministrit, edhe pse është shpallur gjendje krize në kufirin jugor dhe verior, në pjesën jugore situata është stabile.
“Nuk ka çrregullime të psoaçme. Me kudjes e ndjekim gjendjen në kufirin greko-turk, për atë qëllim komiteti drejtues solli vendim të rritet numri i forcave policore në kufirin jugor dhe njëkohësisht është rritur numri i forcave të armatës, e ripërtërimë rrethojën me tela dhe po bëjmë rrugë kaluese”, theksoi Çulev.
Ministri me kryesinë e SPB Tetovë dhe Sektorin për punë të brendshme Gostivar bisedoi për gjendjet rreth zbulimit të krimit, përqindjes së realizimit, problemeve të të punësuarve si dhe ndërmarrjen e masave preventive për ndeshjen e futbollit Maqedoni – Kosovë dhe rreth zgjedhjeve të ardhshme.
/ts
