Kërçovari Florim Useinin u zgjodh kryetar i Rrjetit të Bizneseve shqiptare për Zvicrën Qendrore

Të shtunën, më 29 shkurt 2020, në Luzern u mbajt Kuvendi zgjedhor i Rrjetit të Bizneseve Shqiptare në Zvicër- dega e Zvicrën Qendrore, degë kjo nën ombrellën e së cilës është themeluar edhe Shoqëria aksionare Union Invest AG.- Po në këtë kuvend kryetari i porsazgjedhur, Florim Useini, me këtë rast prezantoi edhe synimet e programit të prej 14 pikash

Kuvendin e hapi kryetari Mehdi Avdijaj, me një rend dite nga pesë pika si prezantimi i anëtareve të ri, Anëtarësimi dhe financat nga Artan Ibrahimi, aktiviteti i deritanishëm nga Isa Zeqiraj , Zgjedhja e Kryetarit të ri, dhe Union Invest AG. Pas prezantimit dhe njoftimit me anëtarët e rinj , u bisedua edhe bashkëpunimi i afaristëve në mes vete duke shkëmbyer punët në mes veti, gjë që është mjaftë produktive dhe e suksesshme deri më tani. Pika dy u bë një njoftim nga Artan Ibrahimi rreth financave, pagesa e anëtarësisë, anëtarësimet e reja etj.

Isa Zeqiraj vazhdoi me pikën tre rreth aktivitetit të rrjetit deri tani, që potencoi kohën dhe kontributin e afaristëve që kanë dhënë deri më tani, themelimin e Invest Unionit AG, takimet me afaristët , e deri tek përgatitjet për Kuvendin Zgjedhor sot.

Kryetari Mehdi Avdijaj shpjegoi formën dhe procesin e zgjedhjes, ku nga Kuvendi propozohen afaristë vetëm për kryetar , votohet me vota të fshehta dhe pas kryetari i zgjedhur brenda 10 ditëve të punës duhet të formoi grupin punues. Po ashtu duhet potencuar meqenëse Shoqëria aksionare Union Invest AG është themeluar nën ombrellën e degës së rrjetit për Zvicrën Qendrore atëherë Kryetari i sajë është njëkohësisht edhe nënkryetar i rrjetit të biznesit.

Pas propozimeve të tre kandidatëve u bë edhe një prezantim nga kandidatët dhe një prezantim të qëllimit dhe projekteve të tij si synim.
Kuvendi me votim të fshehtë zgjodhi për Kryetar Florim Useini, që prezantoi synimin e tij me një varg aktiviteti nga 14 pika, që posedon një përvojë apo bagazh të mjaftueshme në aktivitetin e tij si aktivist i shumë projekteve , përfaqësues në shumë shoqata një ndër ato edhe i zgjedhur në fillim të shkurtit edhe si sekretar i shoqatës së krijuesve shqiptar në Zvicër. Përndryshe  Florim Useini merret njëkohësisht edhe me art dhe me shkrim.

Pas Kuvendit zgjedhor u vazhdua pika e pestë e rendit të ditës rreth shoqërisë aksionare Union Invest AG, ku u diskutua puna e deritanishme dhe Presidenti i saj Mehdi Avdijaj potencoi rëndësinë e ngritjes së buxhetit, dhe hapjen e aksioneve B për investim dhe mundësi e hapur për kyçjen e afaristëve të ri, që do të jetë e hapur për 90 ditët në vijim, deri më 29 Maj 2020 . Ndërsa për formën e detajuar dhe procesin e saj e sqaroi qartë avokati Artan Sadiku.

Takimi u mbyll me një apero dhe një bashkëbisedim në atmosferë shoqërore.

/prointegra