Osllomej do të ndërtohen termocentraleve fotovalatike. Ja shpallja…

Sekretariati i Bashkësi Energjetike (BE) në ueb faqen e tij e përshëndeti shpalljen e thirrjes publike për ndërtimin e dy termocentraleve fotovaltike në hapësirën e ish minierës për qymyr në Osllomej në rrugë të partneritetit publiko-privat.

“Me këtë projekt, Maqedonia e Veriut është një shembull i shkëlqyeshëm se si minierat e qymyrit mund të transformohen dhe të ofrojnë mundësi të reja për ish-punëtorët e minierave dhe zhvillim të qëndrueshëm rajonal”, tha drejtori i Sekretariatit të Bashkësisë të Energjisë Janez Kopaç.

Në tekst thuhet se Maqedonia e Veriut ka filluar zbatimin e planeve për ndërtimin e një termocentrali fotovoltaik në vendin e minierës së qymyrit
Oslomej në Kërçovë, si pjesë e përpjekjeve për të rritur burimet e rinovueshme të energjisë dhe luftën kundër ndotjes së ajrit.

“Më 11 shkurt Qeveria e shpalli thirrjen publike për ndërtimin e dy termocentraleve fotovoltaike me një kapacitet të përgjithshëm të instaluar prej 100 megavat përmes partneritetit publiko-privat. Thirrja publike do të zgjasë deri më 8 maj të vitit 2020, dhe pritet që investimin prej 80 milionë euro ta mbulojë plotësisht investuesi.

Marrëveshja për koncesion do të nënshkruhet 35 vjet pas së cilës pronësia e termocentralit do t’i transferohet te partneri publik.
Sipas dokumentacionit të tenderit, ofertën do ta fitojë partneri privat (investuesi) i cili do të sigurojë përqindjen më të lartë të të ardhurave për partnerin publik nga energjia elektrike që do ta shesë në tregun e lirë, sipas çmimeve të bursave rajonale HUPEX dhe OPCOM”, thuhet në shkrimin e ueb faqes të Bashkësisë energjetike.

/INA