Dehari priti ambasadorët Zhbogar dhe Tiganj (VIDEO)

Shefi i delegacionit të BE-së në Maqedoninë e Veriut Samuel Zhbogar së bashku me ambasadoren kroate Nives Tinjag qëndruan për vizitë në Komunën e Kërçovës, ku në shoqërim të nikoqirit, kryetarit të komunës Fatmir Dehari, kanë vizituar punët për rikonsturimin e Parkut pyll në qendrën e Kërçovës “Kitino – kale”.

Projekti është duke u realizuar me mjete nga fondet e IPA-2 të BE-së të menaxhuara nga Banka Botërore, ndërsa një pjesë apo rreth 10 për qind do të mbulohen nga buxheti i Komunës së Kërçovës. Vlera e projektit të infrastrukturës është rreth 660.000 euro.

Pas rikonstruimit, pritet që park- pylli Kitino – kale të bëhet një atraksion i vërtetë për të gjithë qytetarët e Kërçovës, por edhe më gjerë, ndërkaq përmbajtjet që janë paraparë janë për ndërtimin e Qendrës Kulturore Rinore, shtigje të reja dhe ndriçimi i ri, si dhe punë të tjera.

Pas vizitës së punëve ndërtimore ambasadori Zhbogar tha se është i lumtur që sot së bashku me Deharin janë nduke i kontrolluar punët në këtë objekt i cili po rikonstruohet me mjete të BE-së, ndërsa do të kontribuojë për zhvillimin e turizmit dhe kulturës në këtë rajon.

Zhbogar shtoi se ka pasur bisedë të mirë edhe me të rinjtë të cilët mësojnë në të dy shkollat e mesme të vendosura në një ndërtesë.

Ambasadorja e Kroacisë Nives Toganj tha se është e befasuar nga natyra në këtë rajon.

Kryetari i Komunës Dehari duke i falënderuar për ndihmën në emër të gjithë qytetarëve të Komunës së Kërçovës tha se shpreson se bashkëpunimi i mirë me institucionet financiare të BE-së do të vazhdojë edhe në periudhën e ardhshme.

Paralajmëroi se ky objekt kulturor në zemrën e qytetit të Kërçovës duhet të lëshohet në përdorim nga fundi i qershorit të këtij vit.

VIDEO: