Kërçovarët në kurbet nga Dr. Feti Mehdiu

Emertimi Jugosllavi, në Kërçovë është përdor edhe për Mbreterine SKS – por asaj i thoshin “Bivsha…” – Ish Jugosllavi.
Pas Luftës së dyte botërore quhej Jugosllavi socialiste.
Kështu vazhdoi deri në vitin 1990, kur shpërbëhet sistemi komunist, mbi bazat e të cilit sistem ishte ngritur shteti fantom- Jugosllavi.

Ketu e kam përdor emërtimin Jugosllavi, me qellim që të bëhet dallimi se Kërçovarët deri kah vitet 1960, derisa shkonin në gurbet në: Ohër, Manastirë, Mavrovë, Bor, Beograd, Smederevë, Podgoricë, Aleksinc, – me fjalë tjera NGA VELESI E NË JESENICË – aty ku mbaronte kufiri i asaj Jugosllavije, nuk e konsideronin se janë jasht shtetit.

Brenda këtyre kufinjëve nuk duhej pasaportë për të shkuar, fjala vjen nga Manastiri në Maribor, apo nga Shkupi në Shibenik etj.
Gurbeti jashta shtetit për Kërçovarët, nëse e lëmë anash Rumunine – Vllajakën e dikurslune, fillon në vitet e gjashtëdhjeta te shekullit të kaluar.

Të parët shkuan në Gjermani dhe në Zvicër, pastaj edhe në Francë, në vitet 1963/64.
Pas kësaj periudhe vjen kurbeti përtej Atllantikut – në Amerikë.

Në SHBA, kishte kërçovarë qysh nga viti 1948 me status të emigrantit politik.
Familja e parë që doli në gurbet – është familja Shabani nga Serbica, ku gjenden edhe sot.
U vendosën në Çikago, ku punojnë edhe sot në fushë të hotelerisë. Kërçovarët janë dhe në New York, Florida, Hyuston e gjetiu.

Kurbeti në SHBA, ka nxjerr në sipërfaqe vlerat kërçovare që janë deshmuar si biznesmene të suksesshëm, të cilet kanë marrë mirënjohje të larta dhe gëzojnë respekt aty ku veprojnë.
I tillë ishte edhe i ndjeri Faik Hajroja, i cili dekorohet nga Çikago, në vitin 2004 dhe 2007, si biznesmeni më i suksesshëm i vitit.

/ms