Kërçovari Është Organizatori Më I Mirë I Evenimenteve Në Zvicër

Argjent Baftiri, një shqiptar nga Kërçova, me vendbanim në Würenlos të Zvicrës, nuk ka dashur vetëm të marrë pjesë nëpër argëtime, ai ka dashur personalisht t`i organizojë ato. Në këtë drejtim, para gjashtë vitesh ndërmorri një hap drejt pavarësisë duke e themeluar firmën e tij „Restlezz GmbH“. Që atëherë, ai është bërë profesionist në organizimin e evenimenteve argëtuese.

Shqiptari me prejardhje nga Maqedonia për nëntë vite me radhë është duke jetuar nga organizimi i ahengjeve të ndryshme. Vetëm brenda një viti ai organizon mbi 130 evenimente në Cyrih, Baden dhe qytete tjera. Firmën e tij e ka themeluar me tre bashkëpunëtorë me orar të plotë të punës, duke i ndihmuar evenimentit grandioz të „Openair Frauenfeld“ dhe për shtatë ditë të javës është i mobilizuar dhe i kapshëm për të tjerët. Përpos çështjeve administrative, ai përkujdeset që klientëve të vet tu sigurojë automjete dhe gjera të tjera të nevojshme.

Që në moshën 14-vjeçare, Argjendi ka arritur të organizojë një event për të rinjtë në Würenlos. „Nuk doja vetëm të marrë pjesë në ndonjë evenimet, por doja edhe ta organizoja“, pohon Argjendi për „Aargauer Zeitung“, përcjellë „Shtegu.com“. Pas përfundimit të praktikës si punëtor logjistik, ai vendosi të angazhohet në një agjenci për marketing, që pak më vonë ta themelojë firmën e tij „Restlezz GmbH“. „Unë i këshilloj klubet dhe krijoj ambient të ngrohtë“, pohon Argjenti. Puna e tij fillon para evenimentit dhe perfundon pasi të gjithë të jenë larguar.

Gjatë fundjavës, Argjenti nuk është i lirë si të tjerët. Ai punon tërë natën dhe gjatë organiuzimit është i pranishëm në vendngjarje, nga fillimi e deri në mbarim. Ajo që është më me rëndësi, ai e do punën e tij dhe e llogaritë si foshnjen e vet. Përkundër kësaj, ai gjen kohë të bëjë dallim në mes të profesionit dhe jetës private, duke i përkushtuar kohë edhe të dashurës së vet. Por, ajo ka mirëkuptim për mungesën e madhe të Argjendit.

Argjendin e njehë pothuajse e gjithë Zvicra, ndërsa organizon evenimente në klubet e njohur të Cyrihut, siç janë: „Hiltl“ apo „Mascotte“. Sidomos në qytetin e Badenit ai është shumë i nderuar dhe i mirëpritur. Falë kualitetit të madh të organizimit të evenimenteve, ai gjithnjë e më shumë është i kërkuar nga popullata.

/Shtegu