Kërçovari Dr.Sc Burim Elezi Specializon Në Fushën E Kirurgjisë Abdominale

Në Fakultetin e Mjekësisë të Universitetit “Shën Qirili dhe Metodi” – Shkup, në katedrën për Kirurgji të përgjithshme, Dr. Burim Elezi me sukses dha provimin specialistik nga kirurgjia e përgjithshme – abdominale dhe fitoi titullin Specialist i Kirurgjisë së Përgjithshme.

Komisioni në përbërje: Prof. Dr. Aleksandar Çaparoski- kryetar, Prof. Dr. Mile Petrovski dhe Prof. Dr. Goran Kondov anëtarë, e vlersuan lartë përgaditjen profesionale të Dr. Burim Elezit.

Dr. Burim Elezi është i lindur në Kërçovë, ku edhe ka kryer shkollën fillore. Arsimin e mesëm e vazhdon në gjimnazin amerikan Nova në Shkup, 1998/2002. Ndërsa fakultetin e Mjekësisë së përgjithshme në Shkup e mbaron në vitin 2009.

Pas mbarimit të praktikës në Kërçovë, në vitin 2011 punësohet në Klinikën Kirurgjike ”Shën Naumi i Ohrit – Shkup. Ndryshe Dr. Elezi është njohës i gjuhës angleze, gjermane dhe gjuheve te Ballkanit dhe është një nga specialistët më të ri për nga mosha në Maqedoni.

/tetovasot