VMRO dhe BDI bllokojnë diskutimin për Ligjin e Lustrimit (VIDEO)

Gjatë gjithë ditës, komisioni parlamentar për sistem politik dhe marrëdhënie ndërmjet bashkësive, nuk mund të as të fillojë diskutimin për ligjin me të cilin parashihet shfuqizimi i lustrimit. VMRO-DPMNE fillimisht kërkoi që prezente në seancë të jetë ministrja e Drejtësisë, Renata Deskoska ose zëvendësi i saj dhe nuk pranuan të diskutojnë vetëm në prezencë të sekretarit shtetëror të kësaj ministrie. Kryetari i Komisionit fillimisht dha pauzë gjysmë ore, por pas kthimit nga pauza seanca u prolongua përsëri, kësaj radhe për shkak të mungesës së kuorumit. Përveç deputetëve të VMRO-DPMNE-së në sallë nuk hynë edhe deputetët e BDI-së, për çka Aleksandër Kiracovski, kryetar i komisionit tha se të dy partitë si dhe Partia Demokratike e Turqve janë bërë pjesë e bllokimit të kësaj mbledhje.

Aleksandat Kiracovski
“Fatkeqësisht mund të konstatoj se përveç deputetëve të VMRO-DPMNE-së, në obstruimin e punës së komisionit për sistem politik në seancën e caktuar për shfuqizimin e lustrimit u përfshinë edhe dy parti, Partia Demokratike e Turqive dhe Bashkimi Demokratik për Integrim, për të cilët shpresoj se kanë argumente serioze të cilat do ti ndajnë edhe me ne dhe opinionin e gjërë. E shfrytëzoj këtë rast që t’i ftoj të vetëdijësohen, të miratojmë këtë ligj, tu ndihmojmë viktimave të lustrimit dhe ta përmirësojmë këtë padrejtësi”

Nga VMRO-DPMNE thonë se viktimat e komunizmit janë ata të cilëve duhet tu përmirësohet padrejtësia dhe mohojnë të ketë pasur viktima të lustrimit. Ilija Dimovski nga kjo parti tha se vendi ynë është I vetmi në Evropë që nuk është pastruar nga krimet e komunizmit.
Ilija Dimovski
“Të gjithë ata që qëndruan në linjën e ASNOM kanë pasur fat të errët që të përfundojnë në burgje, ndërsa ata me më pak fat edhe të likuidohen pa asnjë gjykim. Pyetja jonë është cilët janë viktimat, ata që kanë mundësuar që njerëzit të likuidohen fizikisht dhe politikisht apo ata të cilët janë likuiduar. Askush përve[ LSDM-së si trashëgimtare e atij rregjimi nuk dëshiron të jep mbështetje për këtë ligj. Nuk ka shtet evropian që nuk ka kaluar nëpër lustrim. Ne do të jemi këtu që nëse Kiracovski thërret mbledhje edhe në 11 të natës, do të shkojmë dhe me argumente do ta kundërshtojmë”

Kryetari i Kuvendit, Talat Xhafer, nuk deshi të komentojë as akuzat e partnerëve të koalicionit dhe as përmbajtjen e ligjit. Ai tha se nuk ka kundër asnjërit ligj dhe ende nuk e ka parë përmbajtjen e ligjit të ri.

Talat Xhaferi, kryetar i Kuvendit
“As nuk e kam parë pjesën materiale, as se kam kompetencë ta shoh pjesën materiale. Unë si deputet e kam mbështetur ligjin për lustrim në kohën kur kam qenë deputet, nuk kam pasur problem me atë ligj dhe as nuk kam problem me ligjin e ri, kështu që nuk kam koment shtesë”

Jozyrtarisht mësohet se edhe nëse sigurohet kuorumi për të filluar mbledhjen, VMRO-DPMNE do të dorëzojë mbi një mijë amendamente me qëllim që të bllokojnë miratimin e ligjit për shfuqizimin e lustrimit. Arben Zeqiri /SHENJA/

VIDEO:

https://www.youtube.com/watch?v=0isu4-FcJL0