Sonte në Kërçovë koncert festiv i orkestrës së RTSh- së

Për herë të parë në Kërçovë vijnë instrumentistë të orkestrës së RTSh-së dirigjuar nga maestro Gridi Kraja, me prima-solistët e Operës së Shqipërisë të cilët interpretojnë në operën Skëndërbeu e ku Armaldo Kllogjeri paraqitet në rolin e Skëndërbeut dhe Armando Likaj në rolin e Hasan Agës.

Orkestra do të interpretojë këngë të mirënjohura shqiptare: “Për ty atdhe”, “Valsi i lumturisë”, “Margjelo”, “Dua më shumë Shqipërinë” e shumë të tjera sqaron drejtori pallatit të kulturës “Koço Racin” i Kërçovës Mazllam Osmani.

Koncerti do te mbahet sonte në pallatin e kulturës në salla e madhe në Kërçovë me fillim në ora 19:00 , ndërsa për të gjithë të interesuarit hyrja është e lirë.

/alsatm