Komuna e Kërçovës nuk ka paraparë mjete për dekorim të qytetit për festat e fundvitit

Komuna e Kërçovës sivjet nuk ka planifikuar mjete nga buxheti i vet për dekorimin tradicional të qytetit për festat e Fundvitit.

Qëllimi i hapit të tillë, siç kumtoi vetëqeverisja lokale, është që të shpenzohen para atje ku me të vërtetë do të jenë në shërbim të qytetarëve.

“Çdo qytetar i Kërçovës, i cili ka ide konkrete për dekorim të sipërfaqeve publike, këtë mund ta realizojë me informim paraprak të trupave kompetentë komunalë”, thotë udhëheqësi i Sektorit për financa të komunës së Kërçovës, Burim Kadriu,

Ai shtoi se mjetet të cilat do të shpenzoheshin për dekorimin e qytetit më mirë është të shfrytëzohen për qëllime tjera, si për shembull në përmirësimin e ndriçimit publik në rrugët e tërë komunës, jo vetëm në zonën urbane, por edhe në mjediset periferike. ..

/tetovasot