Kërçovari Besart Ibraimi hyri në historin e futbollit vendor , me më tepër gola në elitë !
Që në fillim të takimit , pa kaluar dy minuta të plota, kërçovari dhe kapiteni në radhët e Shkëndijës së Tetovës Besart Ibraimi duke shfrytëzuar gabimin e mbrojtësit të majtë të Shkupit, Basilio Ndong, gjeti rrugën drejt rrjetës së Igor Aleksovskit , dhe shënoi golin e avantazhit për Skëndijën.
Ndërkohë katër minuta para fundit të pjesës së parë një penalti e akorduar nga ana e gjyqëtarit kryesor, Besart Ibraimit i’a mundësoi që të shënojë edhe golin e dytë personal dhe i treti për ekipin e tij, me të cilin u fut në historinë e futbollit elitarë në vendin tonë, pasi i njëjti ishte i 167-ti në listën e përjetshme të golashënuesve.
Kësisoj Ibraimi tejkaloi Bazhe Ilijoskin i cili ka mbetur në kuoatën e 166-të golave, dhe i njejti tashmë është jashtë futbollit, ndërsa deri në fund të këtij edicioni, Ibraimi me siguri se do të thellojë dallimin ndaj ish sulmuesit të Rabotniçkit dhe shumë skuadrave tjera nga Liga e Parë Futbollistike.
Për ndryshe Shkëndija sot përveç dy golave të shënuar nga kërçovari Besart Ibraimi shënoi edhe dy gola të tjer dhe fitoi ekipin e Shkupit në Tetovë me rezultat 4:0.
/tvgurra
