Lajm i Fundit: Bujar Osmani ka nënshkruar licencën e kompanisë së Mijallkovit për bastore (Dokument)
Familja e ish drejtorit të DSK-së, Sasho Mijallkov, është future edhe në biznesin e kumarit, kurse licencën për hapjen e bastoreeve ia ka nënshkruar zëvendës kryeministri për eurointegrime, Bujar Osmani, Shkruan Fokus. Deri sa proceset eurointegruese po çalojnë dhe kanë ngecur, Osmani si duket po jep kontributin e tij maksimal për lulzëim të kumarit në Maqedoni.
“Shoqata për lojëra fati Maks Bet, në strukturën pronësore të së cilës gjendet kompani në pronësi të familjes s ëish shefit të policisë sekrete maqedonase, Sasho Mijallkov, fillon të formojë rrjet të bastoreve në Shkup dhe qytete tjera në Maqedoni, pasi para gjysëm viti ka fituar licencë nga qeveria për bastoren e parë.
Sipas të dhënave të Regjistrit Qëndror, kompania për kumar dhe baste momentalisht ka regjistruar 25 filiale për organizim të lojërave të fatit, të cilat në pjeën më të madhe gjenden në Shkup (Qendër, Aerodrom, Karposh, Kisella Vodë, Gazi Babë, Gjorçe Petrov), por edhe në qytete tjera, sin ë Kumanovë, Tetovë, Prilep, Manastir e Kërçovë”, theksohet në tekstin e botuar në Fokus. Me këtë rast, dejtues i të gjitha filialeve është ish drejtori i Ndërmarrjes publike për menaxhim të hapësirave banesore dhe afariste dhe I Pyjeve të Maqedonisë, Vlladimir Bahçovakovski, i cili njëherit figuron si bashkëpronar pronar pakicë në kompani me 25 mijë euro.
Si pronarë dominantë të Maks Bet-it në Maqedoni për momentin figurojnë kompania me emër të njëjtë në Serbi e pronarit Sasho Marçeta dhe kompania vendore Best Vej Investment, që është në pronë të djalit të Mijallkovit – Jordan Mijallkov. Ata kanë investuar në këtë kompani nga 237.500 euro.
Përndryshe Marçeta është i njohur si “mbret i kumarit” në Serbi. Bëhet fjalë për vendim të sjellur në mbledhjen e 13-të, të cilën e ka uhdëhequr zëvendës kryeministri për eurointegrime, Bujar Osmani, duke marë parasysh se ai paraqitet si nënshkrues i licencës për lokacion në bulevardin “Jane Sandanski” në Aerodrom.
Dokumentin e nënshkruar nga D-r. Bujar Osmani e keni në këtë link: https://www.finance.gov.mk/files/u1394/Scan1_1.PDF
/lajmpress
