Policia e Kosovës nuk ndalet, nisen drejt Shqipërisë edhe 60 tjerë

Për deri sa po vazhdon aksioni për kërkim-shpëtim pas tërmetit tragjik në Shqipëri, Policia e Kosovës ka njoftuar se sot drejt zonave të prekura nga tërmeti janë nisur edhe 60 operatorë të njësive speciale.

“Edhe sot, më 28 nëntor 2019, në ditën e tretë, në operacionin e kërkim-shpëtimit në Republikën e Shqipërisë, nga Policia e Kosovës kanë shkuar 60 operatorë të njësive speciale.

Zyrtarët policorë po angazhohen në kërkim-shpëtim me përkushtim, profesionalizëm dhe vetëmohim”-thonë nga Policia e Kosovës.

Ndryshe mëngjesin e sotëm pas një bisede telefonike me kryeministrin shqiptar Edi Rama, presidenti i Kosovës, Hashim Thaçi ka njoftuar se Kosova do të dërgojë trupa shtesë të FSK në përkrahje të autoriteteve shqiptare.

/lajmpress