Më mirë të na vrasë tërmeti se hasmi (VIDEO)

‘Ju lutem ta shikoni çështjen time, nuk na kanë ofruar asnjë ndihmë, flejmë jashtë’, këto janë fjalët rrënqethëse të Sadije Llapi, gruaja e cila jeton në një banesë të vjetër. Historia e familjes Llapaj është akoma më tragjike pasi i fati i saj është i dënuar edhe nga gjakmarrja. E tronditur jo vetëm nga tërmeti që paralizoi vendin por tashmë është e frikësuar nga hasmi i saj.

Anëtarët e kësaj familjeje janë të detyruar të jetojnë në kushte ekstreme, nuk mund të largohen nga banesa për shkak se hasmi ndodhet vetëm 50 m nga oborri i saj.

E tensionuar dhe me thirrjen për ndihmë ajo tregon për gazetarin e ‘Abc News’, Andi Qosja se jeton vetëm me 30 mijë lekë të vjetra: ‘Nuk mund të blej as ilaçe, as bukë, i lutem shtetit të vendosi dorë’, tha ajo.

Mjekimet shëndetësore i marr njëherë me para ose me ndihma nga njerëzit e mi, sepse më duhen 3 pompa frymëmarrje të azmës, me duhet korenti i vazhdueshëm dhe nuk kam mundësi ekonomike të paguaj. Mes të tjerash ajo tregon se Kryetari i Bashkisë Thumanë nuk i është përgjigjur thirrjeve të saj për ndihmë, nuk ma hap telefonin, tha Sadija.

Sadija rrëfen momentet frikësuese të tërmetit: ‘Kur ra tërmeti ishim në dhomë dhe mu bllokua dera, kur mbaroi tërmeti dola’.

Mes dhimbjesh ajo e pranon realitetin, por kërkon nga shteti vetëm një banesë të sigurt . ‘Jeta kështu është, do jetojmë në këto kushte, nuk kemi rrugëzgjidhje për ne nuk është interesuar njeri’, janë fjalët e saj. Ndërkohë ajo tregon se djali i saj është i pa punë, një student i infermierisë së përgjithshme, por që tashmë e ka lënë shkollën dhe përpiqet të punojë ku të mundet.

VIDEO:

/tetovasto