Plaçkitet shtëpia e përkrahësit të El Chekës nga Kërçova, i vidhet lap-topi me informacione (Video)

Në fshatin Cërvicë të Kërçovës, para disa ditëve është plaçkitur shtëpia e Fehmi Xhambazit, përkrahës i protestave të El Chekës për lirimin e shqiptarëve nga burgu. Ai para dy ditëve është kthyer në shtëpi nga Zvicra dhe e ka gjetur brendinë e shtëpisë ët shkatërruar dhe të “bastisur” nga vjedhësit.

Xhambazi thotë për Gazetën Lajm se kjo nuk është hera e parë që plaçkitet shtëpia e tij, kurse vjedhësit asnjëherë nuk janë zbuluar. Për këtë arsye dyshon se pas plaçkës qëndrojnë njerëz të BDI-së.
“Gjithmonë e kam ngritur zërin kundër të keqes. Për këtë arsye BDI-stat më kërcënuan me jetë, me haraç, kurse tani po ma plaçkisin edhe shtëpinë, kurse policia nuk i zbulon hajnat”, thekson Xhambazi për Gazetën Lajm. Atij i është vjedhur edhe lap-topi personal, nëtë cilin si aktivist i hershëm, ka pasur të dhëna për aktivitetet e zhvilluara në diasporë.

“Veç gjërave tjera, ma kanë vjedhur lap-topin, ku kam pasur të dhëna nga aktivitetet që kemi zhvilluar në perëndim kundër Jugosllavisë. E lajmërova në polici, por sikur në rastet e mëhershme nuk pres që rasti të ndriçohet.

Ky është presion ndaj meje, por edhe presion që bën BDI-ja për ikje nga vendlindja. Para tre muajve e plaçkitën dhe e vranë një mërgimtar nga Amerika dhe nuk ka asnjë informacion për rastin. Mua tani familja vazhdimisht më paraqiten nga Zvicrra dhe më thonë të kthehem atje, sepse kanë frikë që mund të pësoj edhe më keq. Është ky një skenar mirë i orkestr

uar për të stimuluar largimin nga vendlindja”, thekson Xhambazi në deklaratën për Gazetën Lajm.
Prononcimin e tij lidhur me rastin mund ta përcillni edhe në videon më poshtë:

VIDEO:

/lajmpress