Qytetarët, të revoltuar nga lirimi i Katica Janevës (VIDEO)
Reagime të shumta ka nxitur vendimi i Gjykatës së Apelit për ta ndryshuar masën e paraburgimit me arrest shtëpiak për ish prokuroren Speciale, Katica Janeva, e cila u arrestua më 21 gusht si e dyshuar në rastin “Reket”.
Përveç reagimeve të partive opozitare, dalja e Janevës nga burgu ka shkaktuar revoltë të madhe edhe nëpër rrjetet sociale. Ndërkohë, ekipi i gazetës LAJM, ka zhvilluar një anketë me disa qytetarë në Shkup, të cilët janë shprehur shumë të dëshpëruar nga mosfunksonimi i sistetmit të drejtësisë në vend. “Ky nuk është shtet.
Ne nuk e dijmë a ka qenë vërtetë Katica. Mënyra si është liruar ka qenë qesharake”, tha njëri nga të anketuarit. Në videon më poshtë mund t’i ndiqni prononcimet e qytetarëve.
VMRO-DPMNE-ja e quajti të turpshëm vendimin me të cilin Janeva doli nga burgu i Shutkës. Kjo parti ka ngritur dyshime se lirimi i ish prokurores speciale është skenarë i pushtetit, për siç thuhet, të fshehur fajtorin kryesor në rastin “Reket”, që sipas VMRO-së, është Zoran Zaev.
Pas daljes së Katica Janevës nga burgu i Shutkës ka reaguar edhe “Aleanca për Shqiptarët”. “Shqiptarët dergjen burgjeve pa prova, Katica Janeva pushon në shtëpi”, thuhet mes tjerash në reagimin e ASH-së.
/Gazeta LAJM
VIDEO:
