Kërçovari nga Zvicra: Nuk e njoh dështimin!

Ka shumë vite që jeton në Zvicër, mirëpo djaloshi i suksesshëm nga Kërçova vazhdon të mbetet shumë i përfolur atje falë biznesit e humanizmit që bën ku menaxhon disa lokale atje. U përfol pak javë më parë pasi bëri shqiponjën bashkë me “Miss Serbia”, por Fatmir Mehmedi vjen në një bisedë për InfraRed të gazetës KOHA ku tregon shumë gjëra mbi punën e tij

Bisedoi: Blerand REXHEPI koha.mk

KOHA: Je angazhuar në biznes që në moshë të re, baticat dhe zbaticat që ke pasur gjatë gjithë kësaj kohe?

E vërtetë që jam angazhuar në biznes privat që në moshë të re dhe normal që biznesi privat është ndryshe nga të punuarit në një vend pune për dikë tjetër sepse përveç kënaqësive ka edhe rrezikun e vet po megjithatë sot mund të them se sot e shoh veten një person me më shumë eksperiencë dhe më të përgatitur për sfidat e jetës dhe të biznesit në të ardhmen.
KOHA: Ke një angazhim mjaft atraktiv, a njeh suksesi limite?

Suksesi nuk ka asnjëherë limite dhe pikërisht kjo është ajo që e bën më atraktive dhe më tërheqëse këtë lloj angazhimi.

KOHA: Po na thuaj peripecitë që po mban mbi supe?

Peripecitë janë nga më të ndryshmet, duke filluar nga rreziku që merr mbi supe në momentin e investimit, menaxhimi dhe shumë të tjera.

KOHA: Ndien nervozë në punë krahas kënaqësisë që e përjeton me miqtë?

Patjetër që po. Do të thosha që kjo punë është pa orar sepse je në punë edhe kur nuk janë në punë të tjerët dhe normal që në brendi ka edhe nervozë dhe stres por sigurisht që janë të tejkalueshme në krahasim me përkushtimin dhe qëllimet që i vendon vetes.

KOHA: Ke pasur ndonjë situate të pakëndshme dhe a ja vlen të merresh me biznes?

Situatat janë nga më të ndryshmet dhe konform situatave konkrete jam përpjek që të gjejë zgjidhjet adekuate, herë ka ndodhur që përmes ndihmës së familjes apo të dikujt që ka pas eksperiencë të caktuar tē marr këshilla apo edhe ndihmë konkrete për tejkalim të situatave të pakëndshme. Kanë momente kur ka vështirësi dhe më thotë mëndja se i kam rënë pishman por kur bëj bilancin e kohës më del që shumë më shpesh te ndihem krenar dhe i realizuar se sa të jem pishman.

KOHA: Po kur punët nuk ecin si duhet që ne e njohim si “dështim”, a ka vend për dëshpërim?
Patjetër që ka situata kur punët nuk ecin në drejtimin e duhur dhe pikërisht këto janë momentet e vështira që të sfidojnë për ti tejkaluar dhe me pas ndjen kënaqësi. Dështim të momenteve po por në vija afatgjate nuk mund të them që kam dështuar, përkundrazi! Unë përveç biznesit privat në kohën më të madhe jam përpjekur të mbaj edhe punë të rregullt ne kompani të ndryshme. E si arrihet kjo do e përshkruaj shkurt, me pak gjumë, më pak pushim, me shumë mungesa në familje dhe me shumë përkushtim dhe sakrificë.

KOHA: Të ka mbetur borxh dikush, si e zgjidh këtë punë?

Po kryesisht ne punojmë me njerëz me të cilët njihemi dhe ndodh shpesh që të kryejmë shërbime të momentit, fundja e kemi edhe traditë si shqiptar ti shtrim dorën njëri tjetrit dhe kjo nënkupton se mund edhe të më ketë ngel borxh dikush në moment por sigurisht edhe unë të kem qenë borxhli i momentit por gjithçka në suaza të normales dhe e zgjidhshme në kohë.

KOHA: Krahas gjithë këtij suksesi ju njiheni edhe si njeri human, do vazhdoni edhe më tej në këtë drejtim?

Patjetër se do të vazhdoj. Humanizmin e konsideroj si vlerë kombëtare, fetare dhe njerëzore dhe do vazhdoj gjithmonë brenda mundësive të jem human.

KOHA: Njeh dështim Fatmiri?

Nuk e di, nuk e kam menduar ndonjëherë. Ka kohë për të menduar në këtë drejtim. Tash ajo që mendoj është si të zgjeroj edhe më shumë kapacitetet biznesore.

/koha.mk