Fshati Cërvicë dhe folklori burimorë nga Vehbi Haziri

Popullata shqiptare e Kërçovës, gjithmonë ka qenë e lumtur dhe krenare sepse në trojet e lashta shqiptare në shekujt e fundit në qendrën e popullatës shqiptare gjendet fshati Cërvicë me një histori të lavdishme dhe ide përparimtare kombëtare dhe shembull i shkëlqyeshëm në zhvillimin e kulturës dhe patriotizmit kombëtar.

Prandaj, për gjysmë shekullin e fundit kam bindje statike dhe të pa luhatshme se banorët e këtij fshati, kanë luajtur rolin vendimtar në projektimin e vlerave kombëtare si për shembull në zhvillimin e vetëdijes kombëtare, homogjenizmin dhe bashkimin kombëtar, zhvillimin kulturornë bazë të folklorit popullor si dhe organizime sportive.

Në këtë fshat gjithmonë kanë dominuar: toleranca, dashuria, solidariteti, objektiviteti reciprok etj.
Nga këto argumente që thamë gati në minimum kanë rënë vëllavrasjet, konfliktet, spiunimet, intrigat si dhe shumë elemente të tjera jo civilizuese.
Faktikisht në Cërvicë konfliktet dhe hasmëritë i ka zëvendësuar kënga, çiftelia dhe humori.

Në hierarkinë e vlerave pozitive për rrethin e Kërçovës, pjesëmanja e folklorit burimor, humorit masovik popullor dhe kontaktet intansive me vendbanimet e disa qendrave, fsh.Cërvicë radhitet në nivel të lartë. Në këtë rang do të përmend vetëm një numër të vogël të autorëve të palodhshëm të këtij fshati që tërë jetën ia kushtuan muzikës, humorit dhe në përgjithësi folklorit tonë të pasur.
Me plot respekt i përkujtoj krijuesit : Xha Deralla, Shefik Ballazhi, Abdulla Xhambazi, Habib Vrangalla, Murat Tika, Xha Faiku, Qerim Xhambazi, si dhe gjeneratat më të reja si : Mexhit Xhambazi, Mehmet dhe Sali Spahiu, Vesel Xhambazi, Ilaz Spahiu, vllezërit Doga, Dalja, Nuredin Vrangalla etj.

Në kulminacionin e instrumenteve muzikorë me : çifteli, sharki, kavalla, fyell, violinë etj.
Tradicionalisht Cërvica dhe kombi shqiptar është krenar me mjeshtrit e talentuar :Hajdar, Shehi, dhe Hatem Spahiu, si dhe trashëguesit origjinalë të tyre Rahit dhe Ahmet Spahiu, Mersim Çupi, Shukri dhe Abdulla Reçku, Sefer Ballazhi, Hasip Xhambazi, si dhe shumë të tjerë që i takojnë gjeneratës së re dhe me perspektivë të shkëlqyeshme.

Pra, karakteristika grandioze e elitës së lartëpërmendur është kultivimi i këngëve burimore shqipe dhe instrumentevemuzikore: çifteli, violinë, sharki, fyell, kavall etj.
Në këtë mënyrë, melosi burimor kërçovar me përmbajtje historike, patriotike, tragjike, tradhëtie, të gurbetit apo të dashurisë, hyri në rangun e profesionalizmit muzikorë.

Ushtrimet permanente të këngëve që në konbinim me instrumentet muzikore që komponoheshin, ishte rezultat i cilësis së lartë dhe u përhapën jo vetëm në trevën kërçovare por edhe më gjërë: Gostivar, Tetovë, Strugë, Dibër, Prilep, e sidomos me formimin e SH K A “Shkëndija”.

Pra, në oazën e melosit shume të begatshëm burimor dominojnë tingujt e kengeve me melodi specifike si: “Ymer Aga”, “Ise Boletini”, “Krali i gjermanit”, “Pi Prishtine”,”Vaj zamani”,”Emin Mixha”,”Beno Bajraktari”, “Shtatë bylbylat”,”Elife”,”Hona me dale”,”Maliq Zeneli”, “Bejtë Sula”, “Imer Pasha”, “Zenel Lala”, “Milet Bafçe”, “Sulltana”, ”Do ti lutem zotit, “Oj xullufe bojë”, “Jeva Jeva”, “Kalosh Zajazi”.”Hajredin Pasha” si dhe shumë këngë të tjera me përmbajtje interesante të ambientit kërçovar.

Poashtu, mund të konstatojme se qendra e humorit cilësor u kriju nga vetë natyra dhe talentet popullor.

Cërvica, tradicionalisht ka jetuar në buzëqeshje satirike me komedi interesante.
Nga numri i madh i tyre do përkujtoj në personalietet e shquar: xha Habihi, Hasan Tika, Bexhet Xhambazi, xha Deralla etj.
Por, talenti fenomenal që natyra e kishte falë dhe jo vetëm në fshati Cërvicë por mbarë bota shqiptare, krenoheshin pa konkurencë ishte legjenda e humorit: Abdulla Dauti—Duli.
Ky fenomen me siguri në zemrat tona do të jetë i pa harrueshëm.

Folklori i begatshëm kombëtar kompletohej me valle specifike fenomenale dhe të çuditëshme, si tek grupi i burrave ashtu edhe te ai i vajzave.
Ishte bukuri vërtetë kur këto valle i udhëhiqnin artistët e vërtetë: Rizaj, Xhafer Dauti, Rushan Kuka, Ismet Klosi, Shukri Duli dhe Demir Dauti, Rahit, Mehmed,Kasam,Ilaz Spahiu, Sadin Tika, Nijazi dhe Xhevdet Balazhi si dhe shumë të tjere që me siguri unë i kam harruar, me vallet: “Patruna”. “Brahim Hoxha”, “Bilbilat”, “Gostivarçja” etj.

Pra, duke përfunduar rikujtimin për atë që gjatë 60 vjetëve ia falën folklorit shqptar, aktorët e fshatit Cërvicë nga zemra i falënderojmës duke theksuar edhe shpërblimin për vendin e parë në fesivalin Republikan Shqiptar të vitit 1949, që u mbajtë në Tetovë.