Fshatrat Trapçindoll — Kolibarë — Llapkidoll – Nga Vehbi Haziri
Këto tre vendbanime me shekuj të banuara me popullatë shqiptare dhe në pozitën gjeografike në afërsi me njëri-tjetrin, i posedojnë traditat e lavdishme kombëtare me vlera të larta si: mikpritja, besa, stabiliteti, intelegjenca natyrore etj.
Në sferën e zhvillimit dhe kultivi mit të folklorit burimor poashtu janë arritur rezultatet fenomenale me yjet e talentuar të këngëve popullore, por edhe me valltarë të shkëlqyeshëm si dhe insrumentistë të muzikës popullore.
Nga një numër i konsiderushëm vetëm, disa prej tyre do ti theksojmë: Rexhep dhe Tahir Zajazi, Naxif, Shehip dhe Xhezair Ibrahimi, xha Rexha Ibrahimi, Xhemai I dhe Zegir Ademi, Isa Fejza, dhe vëllezërit Sadet, Kamerr dhe Xhaferr Fejza.
Gjithashtu vlen të ceket edhe artisti i vërtetë i çiftelisë xha Neziri si dhe vallëtari Mefaili. Pra, tingujt e zërave dhe grupeve të afirmuara (dëgjoheshin jo vetëm në trevën kërçovare por edhe më gjërë, si dhe nëpërmes radio-televizionit), me këngët: “Kërkon Pasha”, “Xhetht e hullinit”, “Në bafçe ka ra bryma”, “U ngrit Benoja”, “Shtatë bylbylat”, “Karaxhat e zi”, “Shistunon Mefmet aga”, “Milet bafçe”, si dhe shumë të tjera me tekste historiko-patriotike, kreshnike apo dashurie, si te solistët e grupeve të burrave, ashtu edhe ato të vajzave me melodi të veçantë për çdo këngë.
Kombinimi i zërave të interpretuesve, shpesh herë akordohej me instrumente muzikore dhe me dy zëra, bariton, tenor i ngritur.
Folklori i begatshëm i këtyre vendbanimeve mbetet krenari për tërë popullatën shqiptare të Kërçovës, prandaj autorët e shquar të lartëpërmendur i falenderojmë.
