Fshati Novosellë dhe folklori burimorë nga Vehbi Haziri

Traditat në këtë fshat të bukur malor, në kontinuitet, kanë qenë shembull i vlerave kombëtare me plot bujari, humanitet dhe argëtim përmes folklorit burimor me këngë dhe valle.

Mikpritja e përzemërt, shpeshherë ndodhte që gëzimet miqësore nga mbarë trojet gjithëshqiptare edhe sot të jenë në kujtimet emë të moshuarve.

Përveç grupeve të këngëtarëve, nga fshatrat: Tuhin, Cërvicë, Garanë, Zajaz, Prapadisht, edhe autorët e Novosellit me folklorin burimor të manifestojnë arsenalin e begatshëm të këngëve shqipe.

Pra, tingujt e: Nasufit, Arif Halilit, Dautit vllezërve Qemalit Xhelkut dhe Selimit gjithmonë ishin në qendër të gëzimit.
Me këngët e bukura siç ishin: “Bilall bajraktari”, “Donja e Gjakovës”, “Kush është aj natë mal”, “Dylber Angjelina”, “Qemal Pasha” si dhe shumtë këngë të tjera me përmbajtje patriotike, tradhëtie, apo dashurie.

Mirëpo, kënaqësi e veçantë ishin recitimet e vargjeve poetike të xha Osmanit, të përmbushura përplot me ngjarje historike dhe vuajtje të popullit shqiptar nga diktatura e regjimeve sërbo-çetnike.

Pra, “Poeti” popullor nëpër konaqe me shumë sukses, me memori fenomenale i habiste dhe i argëtonte dëgjuesit në të gjitha vendbanimet e trevës së Kërçovës, me poezinë e tijë madhështore.