Fshatrat Greshnicë dhe Leshshnicë dhe folklori burimorë nga Vehbi Haziri
Kalaja e pamposhtur për regjimet e shëmtuara, Greshnica, gjithmon ka qenë oaza e shumë intelektualëve me vlera të larta patriotike — kombëtare.
Luftëtarët e shquar për kauzën shqiptare kanë luajtur rolin shembullor në homogjenizimin e kombit shqiptar jo vetëm në trojet kërçovare, por edhe më gjetë.
Për kryerjen e këtyre obligimeve të shenjta (për popullatën shqiptare), merita të larta dhe evidente ka pasur edhe folklori i famshëm burimor nga vetë fakti se në vargjet e çdo teksti të këngëve shkëlqente potenciali i vlerave kombëtare shqiptare.
Këngët e bukura të melosit popullor revolucionar, patriotike, historike, të tradhëtisë apo të dashurisë, gjithmonë ishin atraktive dhe kënaqësi për dëgjuesit kur interpretoheshin nga goja e shahirave të shquar siç ishin: Xha Muadini, Shabani, Shemsi Lutfiu me djemt Naserin, Feritin, Zyferin, Shukri Bajrami, si dhe shumë të tjerë që ia falën bukurinë këngës kërçovar.
Repertoari i gjërë i këngëve me melodi specifike për çdo këngë, interpretohej i kombinuar shpeshëherë edhe me instrumente të muzikës ( çifteli, fyell, kavalla, sharki violinë),në të cilin, me plot merita duhet të përmendet edhe SH.K.A “XIXA” — po e këtij fshati. Në grupe 3:5 me solistëtët e lartpermendur me këngët kërçovare: “Sadin Selmani”,”Shkojnë pampurret”,”Ymer Pasha”, “Mahmucl Daci”, “Sulltana”, “Pi Prishtine”, “Mislim Peza”, “Dul gazeta”, “Kërkon Pasha”, “7 bylbylat”, si dhe shumë këngë të tjera të sevdasë.
Në fshatin Greshnicë dhe Leshnicë, tradicionalisht ka mbretëruar mikpritja dhe vizitat e shpeshta miqësore me fshatrat e tjerë jo vetëm të Kërçovës por edhe të Gostivarit, Strugës, Dibrës e Tetovës, që i karakterizonte kënga e muzika si dhe humori i satirave qesharake nga humoristi i mirënjohur xha Nuredin Selimi që ishte gjithmunonë në qendër të vëmendjes.
Përshëndetet progresi i komponinit të folklorit burimor që importohet nga Kosova apo Shqipëria, por do ta përshëndetnim edhe kujdesin e zhvillimit të melosit burimor me origjnë kërçovare, sepse pa konkurencë është në zenitin e folklorit gjithëshqiptar.
Pra, besojmë se solistët e talentuar kanë potencial, për rikthimin e melosit burimor kërçovar në skenë.
