Dehari:Bërja e politikë përmes gjuhës së fakteve, asaj racionale dhe të arsyes!

Mirënjohja dhe llogaridhënia, vlerë dhe parim mbi të cilat qeverisim besimin e dhënë nga qytetari për komunën që duam ! Qëndrova dy ditë në Zvicër për mos u shkëputur kurr nga bashkatdhetarët tanë që unë i ndjejë si thesari më i çmuar dhe dinjitoz, kombëtar, human dhe ekonomik i kombit tonë.
Nata e parë: realizova takim me anëtarët e Shoqatës “ Kërçova “, Kryetarët e shoqatave tjera lokale, biznesmenë dhe veprimtarë të dalluar.

Në praninë e tyre dhe shumë qytetarëve tjerë kërçovarë, zhvilliuam diskutime, debat, pyetje dhe pergjigje për çështje të ndryshme dhe realizimin e projekteve në të ardhmen. ( përmbledhja e punës gjashtëvjeçare në komunën tonë, informim për aktivitetet dhe projektet e përmbyllura dhe të nisura në vitin 2019, përgjigje për të gjitha pyetjet që u parashtruan nga të pranishmit ).

Debat i hapur: Vërejtje, sygjerime, ide dhe propozime për fusha të ndryshme në interes të Zhvillimit Ekonomik Lokal dhe harmonizim të ideve konkrete për qytetin tonë.

Nata e dytë: Manifestimi tradicional kërcovar. Atmosferë madhështore, organizim i shkelqyer nga antarët e shoqatës, program i begat kulturo- artistik nga fëmijët e bashkatdhetarëve tanë të cilët me shumë mall ruajnë dhe kultivojnë traditën tonë shqiptare.

Gjatë prezentimit në fjalimin tim përshëndetës, falënderova prezencën e nënave, motrave, vllezërve, veprimtarët e palodhur, gjurmëve të të cilëve ecim të sigurt dhe krenar, antarët dhe Kryetarin e paludhur të Shoqatës “ Kërçova “ D-r Gafurr Sherbetin, si dhe të pranishmit tjerë, duke u shprehur mirënjohje për organizimin dhe punën e tyre që bëjnë ata për vendlindjen.

Falënderova të gjithë kryetarët e mëparshëm dhe antarët e shoqatës të cilët për 12 vjet në formë të organizuar kanë kontribuar për kërçovarët këtu e atje në mërgim.

Publikisht bëra një qasje të shkurtër informative të aktiviteteve komunale të përfunduara dhe synimeve tona për të ardhmen e kërçovarëve.
Zotim për Kërçovë më të bukur…!
Te dashur bashkatdhetarë,

Jam dhe do të qëndroj me Ju për të respektuar mundin, djersën dhe sakrificën Tuaj, për t’i afruar faktet dhe argumentet e punës konkrete, pra për t’u dhënë llogari ball-përball për besimin që na dhatë dhe për mos u ngjarë politikanëve të statuseve të fejsbukut apo rrjeteve tjera sociale, dhe asesi atyre që dijnë vetëm të vjellin vrerë në mungese te faktit, argumentit dhe idesë konkrete përparimtare, e që kanë zgjedhur gjuhën e mashtrimit, shpifjes, urrejtjes dhe përçarjes .
Falënderit deri në përkulje…!
Fatmir Dehari

/tv gurra