U takuan Zoran Zaev dhe Ali Ahmeti
Pas dështimit për marrjen e datës për nisjen e negociatave për anëtarësimin e Maqedonisë së Veriut në Bashkimin Evropian (BE), janë takuar dy partnerët e koalicionit qeveritarë, Zoran Zaev dhe Ali Ahmeti, transmeton Portalb.mk.
Në takim është shprehur zhgënjimi në lidhje me dështimin gjatë rrugës eurointegruese, por duke shprehur edhe gatishmërinë për zbatimin e reformave në rrugën drejt anëtarësimit të plotë të vendit në NATO.
“Rruga jonë e shtruar dhe e dëshiruar drejt NATO-s tashmë po jetësohet dhe është realitet. Bashkimi i premtuar me komunitetin euroamerikan po ndodh”, është shprehur Ahmeti sot pasi RMV dështoi.
Ai kërkoi që përgjigjja e BE-së mos të ndikon në zbehjen e motivit për rrugën eurointegruese.
“Rruga drejt BE-së duhet të vijojë për vetën tonë, për qytetarët tanë sepse ne përfitojmë nga përafrimi i i standardeve tona me ato të vendeve anëtare. Kjo rrugë është shtruar me veprimet tona të guximshme dhe vizionare andaj dhe duhet të vijojë pa asnjë ndalesë, pa asnjë pengesë, pa asnjë pendesë”, u shpreh Ahmeti.
/portalb
