Lulzim Aliu: BDI-ja i përket të kaluarës, ndërsa “Alternativa” është e ardhmja (VIDEO)
Nënkryetari i partisë “Alternativa”, Lulzim Aliu, ka zbërthyer në emisionin “Studio e Hapur” në TV SHENJA, përmbajtjen dhe qëllimet e platformës më të re “Vatra jonë, Alternativa jonë”, me të cilën kjo parti do ti kundërvihet migracionit masiv drejt vendeve të perëndimit.
Ai thotë se për çdo ditë boshatisen shkollat, zbrazen spitalet nga mjekët, ndërsa nga vendi largohen edhe kuadro nga të gjitha profilet e rëndësishme.
Aliu sqaron se hapi i parë i kësaj platforme do të jetë takimi me qytetarët dhe njoftimi me arsyet e migrimit, si dhe senzibilizimi i tyre për të qëndruar në vendlindje dhe për të punuar bashkë për një të ardhme më të mirë për të gjithë.
Po ashtu Lulzim Aliu ka theksuar se BDI-ja tashmë i përket të kaluarës politike të shqiptarëve të Maqedonisë së Veriut, ndërsa Alternativa është e ardhmja.
Për më tepër ndiqeni videon:
