Gostivari po zbrazet, rinia i’a mësyen Gjermanisë

Në ditën e tregut në Gostivar nuk ka më lëvizje të qytetarëve si në të kaluarën, shkruan gazeta Lajm.

Banorët thonë se edhe qytetin e tyre e ka prekur fenomeni i largimit të rinisë drejt shteteve perëndimore.

Qenan Fejzullahu, shpreh shqetësim të madh për trendin e ikjes së banorëve dhe zbazjen e Gostivarit gjithnjë e më shumë. “Cka na duhet qyteti pa rini dhe pa njerëz”, tha ai para kamerës së gazetës Lajm.

Këta të moshuar që i takuam në parkun afër komunës së Gostivarit na thanë se për shkak të migrimit kanë mbetur të vetëm në shtëpi ndërsa këtu dalin për ta kaluar ditën.

Për largimin e të rinjve nga Gostivari ata fajësojnë politikën.

Ndërkohë, edhe kryetari i komunës së Gostivarit, Arben Taravari, e pranon se qyteti që drejton ai po boshatiset. Sipas statisikave, Gostivari është qyteti i dyti në Maqedoninë e Veriut për nga migrimi. Taravari flet edhe për arsyen e largimit të të rinjve nga vendlindja.

Largimi i të rinjve nga Maqedonia e Veriut ka prekur pothuajse të gjitha qytetet e Maqedonisë së Veriut, ndërsa autoritetet nuk kanë shpalosur ndonjë strategji për ndalimin e kësaj dukurie shqetësuese.

/tvkoha