Trump e konfirmoi mbështetjen për anëtarësimin e Maqedonisë së Veriut në NATO

Presidenti amerikan, Donald Trump, ka uruar presidentin dhe qytetarët e Maqedonisë së Veriut për Ditën e Shtetësisë, duke konfirmuar se SHBA-ja mbështet fuqimisht Maqedoninë e Veriut, në rrugën e saj drejt anëtarësimit në NATO.

“Mezi pres që të zgjerojmë bashkëpunimin tonë për të promovuar paqen, prosperitetin dhe stabilitetin në rajon”, shkroi Trump në një mesazh urimi më 8 shtator, të publikuar të enjten nga kabineti i presidentit të Maqedonisë së Veriut, Stevo Pendarovski.

Trump, gjithashtu ka uruar presidentin dhe qytetarët e Maqedonisë së Veriut për zbatimin e vazhdueshëm, siç e quajti ai, të Marrëveshjes historike të Prespës, e cila “sjell siguri dhe prosperitet më të madh për qytetarët e Maqedonisë së Veriut”.

Pas zgjidhjes së çështjes së emrit me Greqinë, Shkupi zyrtar ka përshpejtuar angazhimet për anëtarësim në NATO dhe BE.

Procesi i anëtarësimit ka qenë i bllokuar nga Greqia.