Kërçovë: Me grevë paralajmëruese filloi viti i ri shkollor !

Me grevë paralajmëruese sot filloi viti i ri shkollor në shkollat kërçovare.

Në ditën e parë shkollore për vizitë në shkollat kërçovare ishte kryetari i komunës Fatmir Dehari, me bashkëpunëtorët. Të gjithë nxënësve dhe arsimtarëve u dëshiroi sukses në vitin e ri shkollor.

“Të gjitha shkollat janë të gatshme për fillim të vitit shkollor. E di se anëtarët e SASHK-ut janë në grevë, solidarizohem me kërkesat e tyre. Kuptohet çdoherë duhet të llogarisim sa janë mundësitë në shoqëri dhe që është më me rëndësi, të mos ketë keqpërdorime politike”, tha Dehari.

Ai informoi se nuk ka probleme organizative në asnjë shkollë në komunë, ndërsa numri i nxënësve në krahasim me vitin e kaluar, siç tha, gati është i njëjtë, nuk ka zvogëlim.

“Nuk ka problem me transportin e nxënësve. Shpreha gatishmëri për bashkëpunim për intervenime që janë në kompetencë tonë në objektet shkollore. Krenohem që po zvogëlohet borxhi në të gjitha shkollat. Disa shkolla madje kanë arritur ndërkohë të punojnë me saldo pozitive, që e vlerësoj si sukses të madh. Politika duhet të jetë jashtë shkollave”, tha Dehari.

/tetovasot