Këngë burimore Kërçovare

Letërsi

Kënga e Sefer Zajazit

Haj vjen valija o pi Manastiri
Jalla Zajazas o ju ku jini
Jalla Zajazas o ju ku jini

Haj ne Karbunicë thotë ju pusi kini
Sefer Zajazin çaushë e kini
Kadri Donkën yzbasho e kini

Hajë në Karbunicë besa u bo nomi
Luftojnë Seferi-Kadriu ene Doni
Luftojnë Seferi-Kadriu ene Doni

A more Sefero bre musteçe verdhë
Shkrujë nji letër ta çojmë në sherë
Shkrujë nji letër ta çojmë në sherë

Të na çojnë xhephone të na çojnë fyshekë
Se me komitat ne do luftojna vetë
Se me komitat ne do luftojna vetë

A morë komita komita të ri
Skeni pa Zajazli me sy
Shtinë me hutat ju binë nër sy

Hajë sy në syjo besa veshë më veshë
Kapdo ti a morre veshtë
Në zallë të Drugovës tu hongër peshkë
O kapido bre kapido bugari
A i njofte trimat e Zajazit
Ti lishojnë plumat në lule të ballit.

(Marrë nga libri: “Këngë zamani nga melosi burimorë shqiptar i rrethit të Kërçovës”
Shkruar nga : Vebi Aziri)

Kënga e Sulltanës -heroina e Çaafës(Çafa-fshat në Kërçovë)

Vjeti tremëdhjet o nji vjet i zi
çatëherë u vranë nontdhetë çafali
Se shoum komita Mikalja ka tërmu
Kan rrethau çafën zjarin ja kan vu
Burrat e çafës i kishin tërmu
Në shtëpin e Mazllomit besa i kan çu

Dul Sulltona ne çyçja nato dollapë
I pa shtëpajt xhyth në tym e flakë
U ka ra durve çyçja me shuplakë
Ka mulu çafën nonë nji xhaku zi
Vriten shum burra cullë e grani

U kthy Sulltona çyçja prapë në shtëpi
Gërshonte dhenve i ka shti o në xhi
Boni hyxhym e mejra dul në shkall
Gajret bre date mos u lidh i xhall
Se ty Sulltona sta le xhakun pa morr

Vëkat Mazllomi ku të koum Sullton
Matëherë Sulltona kishte zdryp në lomë
Se kur i çiti besa çato gërshon
Ju lishau jaurrit nipit kapidonit
Ja kishte çito çenitë teje e matonë

Ky Mazllom çafa nji burri xhonë
I vëkati bijës o gajret Sulltonë
Bjeru komitave bij mori me ata gërshon

Ju lishu Mikajles me shelma e me dhomë
Hikte Mikajli me poushkën në kra
Hikni bre shokë se na faroj Çafa
Na faroj Çafa shum na ka marru
Dy a tri vetë naj ka vra nji gru

Mori Sullton e bije Mazllomitë
Sa mirë ja bone nipitë kapidonit
Sa mir ja bone mirë ja ke punu
Të xhyth shyptarve fytyrën va ke zbardhu

Marrë nga libri: “Këngë zamani nga melosi burimorë shqiptar i rrethit të Kërçovës”
Shkruar nga : Vebi Aziri

Kënga e Osman Xhinit – Prapadishti (Prapadishti fshat në Kërçovë)

More bylygbashin gjalë ore Murat Dulla
More ka lujt trimi shoko me dyzet burra
More dyzet burra kanë qenë pi në molsajë
Çajë Osman Xhini shoko nji gjali rijë
Natë podvisë ene na ka vu pusijë

More se kurë krisi manxerrja Osmanit
More thotë yzbashi hikni se ju bo nomi
More binu gjemo mom çëlloni mu
More mu të shkretin shoko më kanë plagju
Murat dullën unë e kumë paltu

More vinë sherlitë besa tu mi qa
More Osman Xhinin besa bre e kanë vra
More ju sherëlitë qofshi bre të marru
More ma dhatë besëno-bashkë more me luftu
Hyçë asnji sum keni ndihmu

More ku lenë dilli në besa ke lenë hona
More Osman Xhinino shokë more se bonë nona
Natë Prapadishtë hebero kishin çu
Shumë xhemotë besa bre jonë tërmu
Osmon more xhinin kanë harmu.

VJESHTA MOJ VIRANE

Vjeshta moj Virone bre gjalë
Vjeshta moj Virone bre gjalë
Gjemte e ri ç’naj bone medet-o
Haj-haj, gjemtë e ri ç’naj bone medet-o!
Vjeshtën e përcoullëm bre gjalë
Vjeshtën e përcoullëm bre gjalë
Shënxherxhine soullëm medet-o
Haj-haj, Shënxherxhin e soullëm medet-o!
Oudhës e shullonit bre gjalë
Oudhës e shullonit bre gjalë
Tuj m’i fkat jaronit medet-o
Haj-haj, tuj m’i tkat jaronit medet-o!
Or jaroni dadës bre gjalë
Or jaroni daděs bre gjalë
Sejllmi dhentë kon vathës medet-o
Haj-haj, të bojmë llaf kadales medet-o!
Zej çato kumona bre gjalë
Zej çato kumona bre gjalë
Mo na xhexhi nana medet-o
Haj-haj, mo na xhexhi nana medet-o!
Lishoj dhentë kon zallit bre gjalë
Lishoj dhentë kon zallit bre gjalë
Tuj mi ra kafallit medet-o
Haj-haj, tuj m’i ra kafallit medet-o!
Nodhi nana njat bre gjalë
Nodhi nana njat bre gjalë
Sën bomë llaf rahat medet-o
Haj-haj, sën bomë llaf rahat medet-o