Kërçovarët dhe biznesi i tyre me gështenja në Zvicër

Ato janë kompensimi për ditët e ftohta dhe gishtat e ftohtë që sjell vjeshta: gështenja të nxehta. Tani ato kanë filluar të shiten sërish, ndërsa sezoni zgjat deri në mars, shkruan “Tagblatt”, përcjell Albinfo

E vetmja dobësi është çmimi i lartë për një qese gështenja. Vjeshtën e kaluar, 100 gramë kushtonin rreth katër franga. Dhjetë vite më parë, e njëjta sasi ishte në dispozicion për tre franga. Arsyeja për rritjen e çmimeve ishte grumbullimi i dobët i tyre.

Gështenjat e importuara janë kryesisht nga Italia, Spanja dhe Franca. Në një listë të Swisscofel, janë gjetur madje edhe vende të habitshme, nga të cilat gështenja është importuar në Zvicër. Viteve të fundit, sasi të vogla kanë ardhur edhe nga Kina, Kili, Tajlanda, Bregu i Fildishtë dhe Irani, përcjell albinfo.ch.

Por, shitësit e gështenjave këtë problem e shohin më ndryshe: “Ne pjekim gështenja të mira, gjë të cilën na e dëshmojnë konsumatorët tanë”, thotë Dashurije Ismaili. Bashkëshorti i saj, Gëzim Ismaili gjithashtu thotë: “Shitja e gështenjave është një biznes tradicional.

Po që se në çdo tre vite ndokush menaxhon diçka tjetër, kjo traditë e çmuar mund të humbet”, pohon Gëzimi, i cili enkas për Albinfo.ch ka theksuar se ky profesion është shumë interesant, pasi mund të takohesh me shumë personalitete, siç janë mjekët e famshëm shqiptarë në Zvicër, Dr. med. Semun Abdili dhe PD Dr. med. Florim Cuculi, si dhe udhëheqësi i emisionit “Fol shqip”, moderatori Altin Marku, të cilët i kanë uruar fillim të mbarë në shitjen e gështenjave.

Përndryshe, çmimet e gështenjave tek çifti Ismaili janë më të lira se zakonisht, pasi 150 gramë të gështenjave mund të blihen për pesë franga. Me prejardhje janë nga Kërçova dhe tani e më tepër se 30 vite jetojnë në Zvicër.

/albinfo