Më 5 shtator do të dridhet Maqedonia me “bomba” të reja për Monstrën!
Fetai tha se kryeministri Zaev mund të thirret në gjykatë në cilësinë e dëshmitarit. Njëri prej të akuzuarve, Fejzi Aziri, u përball sy më sy në sallën e gjykatës, me policin për të cilin tha se e ka keqtrajtuar dhe e ka kërcënuar me jetë gjatë arrestimit, në njërin prej aksioneve më të egra policore ndaj shqiptarëve të realizuar gjatë qeverisjes së VMRO-së dhe BDI-së. Polici, i cili tani dukej tejet i frikësuar, mohoi akuzat
Në mes të gushtit Prokurorja e Speciales Fatime Fetai ka dorëzuar në Gjykatë dëshmi shtesë për vrasjen e pesëfsihtë në Smillkovcë, i njohur si rasti Monstra. Bëhet fjalë për audio-përgjime, mesazhe dhe transkripte që i podeson PPS e që nuk janë publikuar deri më tani.
“Materialet janë bombat që i kemi marrë nga LSDM. Gjithçka që është dorëzuar nga Zoran Zaev është këtu. Ka poashtu edhe mesazhe, sms dhe transkripte”, tha Fatime Fetai, Prokurore në Prokurorinë Publike Speciale.
Gjykatësi Ognen Stavrev tha se këto janë materiale që nuk janë prezantuar në seancën e vjetër për rastin Monstra, para se kjo lëndë t’i kalojë Speciales.
Ai duke treguar grumbullin e fletëve të transkriptuara, tha se të njëjtat do të ketë mundësi t’i rishikojë materialet edhe pala mbrojtëse, andaj për t’u lënë kohë të përgatiten, seanca u shty për më 5 shtator. Prokurorja Fetai, të akuzuarit që kërkonin t’i dëgjonin, i qetësoi duke i siguruar se do të kenë mundësi t’i dëgjojnë në seancën e radhës. Madje ajo kërkoi nga trupi gjykues që dëgjimi i bisedave të përfundojë brenda senacës së 5 shtatorit.
Një nga prindërit e viktimave pyeti nëse këto materiale janë ato që ishin klasifikuar si e fshehtë shtetërore nga ana e Prokurorisë. Ai përmendi edhe premtimin e Kryeministrit Zoran Zaev se prindërve do t’u tregohet se cilët janë numrat e mbrojtur. Këtu ndërhyri Prokurorja Fetai duke thënë se për ato që Zaev ka thënë në publik, mund të thirret në gjykatë në cilësinë e dëshmitarit.
Njëri prej të akuzuarve, Fejzi Aziri, u përball sy më sy në sallën e gjykatës, me policin për të cilin tha se e ka keqtrajtuar dhe e ka kërcënuar me jetë gjatë arrestimit, në njërin prej aksioneve mëtë egra policore ndaj shqiptarëve gjatë qeverisjes së VMRO-së dhe BDI-së. Polici, i cili tani dukej tejet i frikësuar, mohoi akuzat.
Të akuzuar për vrajsen e pesëfsihtë të viti 2012, janë Alil Demiri, Afrim dhe Agim Ismailoviq, Fejzi dhe Haki Aziri dhe Sami Luta. Rasti është në rigjykim, për shkak se Supremja në dhjetor, 2017 anuloi aktgjykimet. Pas kësaj rasti i kaloi PPS-së.
/lajmpress
