Zemërimi mund të jetë vdekjeprurës

Zemërimi dhe emocionet tjera të fuqishme mund të prekin potecialisht ritmin vdekjeprurës të zemrës tek disa njerëz të ndjeshëm, thanë shkencetaret e SHBA-se.

Studimet e mëhershme kanë treguar se tërmetet, lufta apo edhe humbja e Kupës Botërore të Futbollit mund të rrisë normat e vdekjes nga arresti kardiak i papritur në të cilën zemra ndalon qarkullimin e gjakut.

“Definitivisht është treguar në shumë mënyra të ndryshme se kur një popullatë e tërë vendoset në stres, rritet vdekshmëria e papritur” tha Dr. Rachel Lampert nga Universiteti i Yale-it në New Haven në Connecticut.

“Studimi jonë ka filluar të shiqoj se si kjo në të vërtet mund të prek sistemin elektrik të zemrës” tha Lampert.

Ajo dhe kolegët e saj studiuan 62 pacientë me zemër të sëmurë që kishin defibrilator në zemër ose ICD (Implantable Cardiac Defibrillators). ICD-të mund të zbulojnë ritme të rrezikshme ose aritmi në zemër, me çrast reagojnë duke dhënë shok elektrik i cili kthen rrahjen normale të zemrës.

“Këta janë njerëz që i njohim, të cilët janë të ndjeshëm nga aritmia,” tha Lampert në një intervistë telefonike.

Pacientët që morrën pjesë në studim, kishin bërë një ushtrim në të cilin shprehnin episoda zemërimi derisa në anën tjetër ekipa e doktoreshës Lampert bënin një test të quajtur T-Wave Alternans i cili mat jostabilitetin elektrik të zemrës.

Lampert tha se ekipa posaçërisht bënte pyetje të cilat mundësonin që pacientët të lëshojnë episoda zemërimi. “Ne gjetëm se inatosja shaktonte rritje të jostabilitetit elektrik në këta pacientë,” tha ajo.

“Personat të cilët kishin paqendrueshmëri elektrike të lartë të shkaktuar nga zemërimi, ishin 10 herë më shumë në rrezik nga aritmia se sa të tjerët,” tha ajo.

Lamper tha se ky studim sugjeron që inatosja mund të jetë vdekjepruresë, të paktën për njerëzit e ndjeshëm nga ky tip i çekuilibrit elektrik të zemrës.