Kërçova e vogël me artiste të mëdhenj !

Kërçova aktuale

Jo gjithmon duhet të jesh i madh apo thënë ndryshe nuk qëndron gjithmon thënia se për të patur cilësi duhet sasi. E vërteta na dëshmon të kundërtën e saj. Mjafton të kemi pasionin dhe vullnetin që suksesi mos të na mungojë. Shembuj të till kemi shumë ku mjafton të hedhim një vështrim mbi historikun e njerëzimit për të konstatuar lehtësisht se shumë kombe të vogla për nga numri, janë të parët në shumëçka, në botën ku jetojmë.

E këtillë mesa duket është edhe Kërçova jonë. E vogël brenda botës shqiptare por e madhe për personalietet që ka nxjerrë gjatë historisë së saj, në shumë lëmi të jetës. Trevat tona më shumë njihen për rezistencë dhe organizime të lëvizjeve patriotike, por e gjithë kjo mesa duket në traditë, pikëmbështetjen e ka tek dashiria që ushqen kjo popullatë, ndaj arsimit dhe kulturës. E për të mos humbur gjuhën, arsimin, kulturën e artin, duhet dhe të jemi të gatshëm të sakrifikojmë duke flijuar veten tonë. Dëshmi e nxjerrjes në jetë të personalieteve të artit janë artistët me renome botërore e mbarëshqiptare. Të hedhim një vështrim të vogël për të kujtuar e nderuar disa nga këto personalitete, si dhe për të motivuar talentët e rinjë të cilët dalin në sipërfaqe gjithnjë e më shumë.

Omer Kaleshi: i cili lindi dhe u rrit në fshatin Sërbicë të Kërçovës, pas shumë udhëtimesh,pikturimesh dhe ekspozimesh në Stamboll, Romë, Vjenë, Mynih, Londër, Selanik, Hagë, etj. Në vitin 1956 vendoset përfundimisht në Paris ku vazhdon të krijojë, ekspozojë dhe të jetë vazhdimisht i kërkuar për tablotë e tij, më së fundi shpresojmë që komuna jonë do ti krijoj hapsirat e nevojshme për të hapur galerinë në emrin e këtij artisti me përmasa botërore, ku shkrimtari i madh Ismail Kadare, në një nga thëniet e tij shprehet: se në sallonet e mëdha të presidencës franceze vetëm pikturat e Omer Kaleshit janë shqiptare.

Zeni Ballazhi: lindur në fshatin Cërvicë të Kërçovës, i cili studimet e Larta i ka kryer në Akademinë e Arteve Vizuale në Tiranë, në karrierën e tij artistike ka çelur disa ekspozita personale (Kërçovë në vitin 1996; Prishtinë në vitin 2000 dhe 2001), dhe disa ekspozita kolektive në Kosovë, Shqipëri, Maqedoni, Gjeorgji, Francë, Japoni, Norvegji, Teksas, Slloveni dhe Greqi. Është kurator i disa ekspozitave të organizuara në Kosovë dhe Rajon (2003 – 2010), gjithashtu ka punuar si drejtor artistik (skenograf) në disa filma e shfaqje (Maqedoni, Kosovë, Shqipëri, Norvegji). Aktualisht punon prej vitit 2001 si dizajner dhe kurator në Galerinë e Arteve të Kosovës. Logoja e Zeni Ballazhit “100 Vjet Shtet Shqiptar” u shpall fituese nga qevria shqiptare për përkujtimin jubliar të pavarësisë së Shqipërisë, vepër e cila na bëri të ndjehemi krenar me artsitin tonë kërçovar.

Qendrim Rijani: lindur në fshatin Kollarë të Kërçovës. Nga vendbanimi pre ku jemi mësuar të shikojm vetëm veprimtarë të çështjes kombëtare, do të ishte Qëndrimi ai që do të sfidonte traditën e bashkvendasve të tij, duke iu përkushtuar kombit jo me veprimtari politiko-atdhetare por me veprimtari patrotike të botës së artit. Ai me sukses, jo vetëm që do të përmbyllte studimet në Tiranë, në Akademin e Arteve, dega regjizurë, por dhe në rolin e aktorit dhe të regjizorit, për një periudhë të shkurtër veprimtarie, do të merrte pjesë në disa festivale filmi e teatri nga ku do të rrëmbente dhe çmime të ndryshme. Qëndrim Rijani, regjisor, ARRITJA E VITIT NË ARTET E PERFORMUARA- ARTI SKENIK. Solli një frymë të re artistike gjatë vitit 2014 me suksesin e padiskutueshëm të shfaqjes “Gjymtimi”. Komedia e zezë “Gjymtimi” e autorit Martin Mcdonagh, e sjellur nga Teatri Shqiptar Shkup me regji të Qëndrim Rijani u shfaq premierë në kuadër të festivalit “Vera e Ohrit”, ku u cilësua si njëra nga shfaqjet më të mira.

Pastaj vazhdoi rrugëtimin në “Koko Fest” në Korçë për të rrëmbyer çmimin kryesor të festivalit duke u vlerësuar si “Shfaqja më e mirë” e “Koko fest” 2014 ndërsa Qëndrimi u zgjodh “Artisti i ri më i mirë”. “Gjymtimi” ngadhënjeu edhe në festivalin e Tetovës duke marrë çmimin e vetëm të këtij festivali – “Shfaqja më e mirë”. Rijani solli edhe shfaqjen “Kapitulli i dytë” me Teatrin “Andon Zako Çajupi” të Korçës. Me këtë shfaqje ai solli freski në llojin e dramës (teatër dhome) dhe pushtoi publikun anembanë Shqipërisë. Me këtë shfaqje Rijani fitoi çmimim “regjia më e mirë” në Festivalin i aktrimit në Fier. Së shpejti, me iniciativë të këtij artisti shpresojmë që do të vendosim skenën e Teatrit në Kërçovë në funksion të plotë, e cila për fat të keq e për faj të dikujt, prej shumë vitesh, Teatri i ka munguar qytetarit artëdashës kërçovar.

Senad Rrahmani:,lindur e rritur në qytetin e Uskanës së lashtë, ai që në gjimnaz do ti bashkangjitej grupit muzikor “Uskana e re”, të cilës do ti këndonte me pasion deri në fitoren e saj. Zëri tij i preferuar nga moshatarët e tij, do të shkëlqente në konkursin X Faktor, organizuar nga Tv klan, ku producentja e këtij spektakli Vera Grabocka, do ta përzgjidhte Senadin si konkurent rival mes gati 40.000 zërave nga mbarë hapsirat shqipëfolëse, i cili në mesin e kësaj konkurence të fuqishme do të rrëmbente vendin e dytë duke na bërë që çdo javë të përmendet Kërçova jonë e vogël në televizionin më të madh shqiptarë. Këtij afirmimi nuk i mungoi mbështetja mbarë popullore kërçovare, duke filluar nga institucioni i komunës, biznesi lokal e në veçanti shokët e tij, të cilët për çdo javë organizonin autobusë falas për në Tiranë.

Lauresha Ramadani: një vajzë e veçantë, jo vetëm për nga zëri por dhe luku i saj. E lindur në Kërçovë, ajo do të shfaqte talentin e saj që në festivalin për fëmijë, Pëllumbat e Artë, e më vonë në Fest Dituria, dy organizime të realizuara në kuadër të tv Gurra, e cila nëpërmjet kontratave të saj, ju jepte mundësi më pas talentëve pjesmarrës në këto dy evenimente, që të marrin pjesë edhe në spektakle mbarë kombëtare që organizoheshin në Shkup e Tiranë. Kështu falë talentit të saj, Lauresha do të ishte pjesëmarrëse deri në gjysëm finalen e një evenimenti shumë specifik për nga lloji si që është The Voice of Albania, organizuar nga Top Chennel, ku tanimë, për tu bërë pjesë e evenimenteve të organizuara nga ky medium prestigjioz, e dijmë të gjithë që duhet të plotsosh shumë kriterere, nga sita e diciplinës që ka vendos ky medium, e ku Lauresha këtë vit, do të bëhej protagoniste edhe e Top Fest, garë e cila është duke u zhvilluar, e ku ne i urojm suksese deri në ngjitjen e saj në majat e skenave artistike.

Hajrie Ademi: voglushe e ardhur nga Zajazi, e cila në botën mediatike, në skenën artistike, do të plotësonte gamën e botës së artit edhe në spektaklet për fëmijë, ku jo rastësisht do shkëlqente tradita e talentëve të artit kërçovarë edhe tek spektakli Gjeniu i Vogël, që mbnahet në tv Klan. Hajria përpara se të bëhet ylli i vogël kërçovar me përmasa mbarë kombëtare, ajo do të rrëmbente disa çmime, në festivalet për fëmijë që mbahen në shtetin ku jetojmë. Gjithashtu, kjo talente me plot perspektivë, ka qenë pjesmarrëse e disa evenimenteve kulturore edhe në Kosovë. Vlen të theksohet duke ju bërë thirrje institucioneve, biznesit dhe menazherëve artistik, që të mbështesin këtë talente, e cila e vlersuar nga kritikët më të njohur në Tiranë, jep shpresë për një artsite të madhe në të afërmen e saj.