Gjithmonë i dyti – nga Fatmir Dehari

Mendoj se për të urtin mjafton, thotë populli, besoj se për Bekim Adilin dhe ky reagim mjafton. Nuk do të merrem me Bekimin në të ardhmen për asgjë. Je i vogël për punët e popullit zotëria juaj. Merru me cikërrimat si gjithmonë. Aty e ke vendin
Në kohët e pakoha ku paraqiten kriza të ndryshme identiteti, ku shoqëritë në tranzicion janë të pamëshirshme për individin, për njerëz me ego të dobët individuale, të cilët, nuk i kanë tejkaluar makthet e së kaluarës, hera herës, shpërthen shpirtvogëlsia e tyre që të luftojnë me pikëllimin e tyre duke sulmuar më të suksesshmit, duke ua vënë fajin atyre se ata ishin dhe janë problem i mossukseseve të andrallave të tyre.

Ky makth si duket, ka kapluar kalemxhiun e Kërçovës Bekim Adili i cili në dëshpërimin e sipër si një adhurues fanatik në stadium, bërtet, pisket, qan, vajton, shan, pëlcet, fyen, fajëson, ëndërron pse ai nuk është i përfshirë në loje, në ekipin e parë, por gjithmonë mbetet i dyti, i pavlerësuari, i pakuptuari, i papërfshiri, pa përkëdheluri, i pandërruari dhe i pashpërblyeri nga populli, që ky në mendjen e tij të ngurtësuar ka të fiksuar se e meriton më shumë se të tjerët e në veçanti më shumë se unë Fatmir Dehari, që në garën për udhëheqës komunal të Komunës së Osllomesë, mora mbështetjen gati absolute të elektoratit, ndërsa Bekim Kalemi, pësoi debakël total zgjedhor.

Në traditën e popullit të Kërçovës, thuhet se një njeriu edhe kur rrezohet nga gomari, ulet dhe pushon, por kur populli i tij e flak dhe e hedh, duhet që jo vetëm të pushojë, por dhe të heshte sepse, përndryshe konsiderohet si një llapaqenush i vogël që askush nuk i ve veshin dhe nuk i shmanget, sepse ka vetëm llape dhe jo dhembe që të kafshojë.

Bekim Adili, në jetën shoqërore dhe profesionale të tij, është i dështuar, sepse me keqardhje kanë konstatuar shokët që e njohin se i takon grupit të njerëzve që çka të fillojë diçka sa do qoftë e mbarë dhe e hairit të jetë puna ai nga mos-konsekuenca apo tollovitja mendore e prish dhe e dështon: Kuisin, paradën e modës me vajzat nga Shqipëria, sofrën, lëvizjen ndryshe, qëndrimin jokorrekt ndaj luftëtarëve, teatrin etj e në veçanti dështoi në udhëheqjen dhe menaxhimin e TV “Gurra”, ku si njeri që ka mësuar këtë zanat duhej të ishte i pari, por dhe aty nuk qëndroi, sepse mendjemadhësia e tij nuk e la. Sepse, filloi në Prishtinë gjoja për bujk, vazhdoi në Tiranë për farmaceut dhe më në fund na doli kalemxhi. Që tash prognozojnë njerëzit se edhe Aleancën Kuq e Zi do ta marri në qafë. Jo se do por, ashtu është natyra e tij.

Z.Bekim Adili, mos u dëshpëro për këto dështime, ja dhe unë publikisht pranoj se në një rast “kam dështuar”: nuk arrita të zbuloj kodoshët e vegjël të cilët në raste të caktuara aktivizohen si me komande nga qarqe të errëta, sa herë që ndodh diçka e hairit për kombin tonë. Në këtë zanat si duket këtu ti je i pari. Urime .

Të nderuar lexues të gazetës “Zhurnal plus”, në këtë kohë dinamike, ku të gjithë përpiqen të kapin kohën dhe hapësirën e shoh të pavlerë, të merrem me letra-frustracionet e Bekim Adilit. Ata që neve na njohin i dinë vlerat tona. Fjalët nuk maten me sasi por me cilësi dhe pune si dhe me njeriun që i shfaq apo fyen. Z. Adili,fyerjen e ka postulat jetësor. Unë këtu nuk mundem t’i ndihmoj, por i sugjeroj që të mendoj për gjithçka, sepse gjuha nuk ka është por i thyen ato.

Qytetarët e Komunës se Osllomesë treguan më së miri për ne të dy se kush është i vogli dhe i padëshiruari i komunitetit. Fatmir Dehari fitoi 2.200 vota ndërsa Bekim Adili 400 vota, ndërsa në vendlindje rezultati është dhe më keq Fatmir Dehari 507,ndërsa zotëria në fjalë me 70 vota. Nëse ekziston ndonjë njësi matëse është kjo. Për andrallat e tij se si udhëhiqet dhe menaxhohet komuniteti e tha të tijen.

Më në fund doli e vërteta se edhe zotëria ka pak guxim, më në fund doli në sipërfaqe nga zgafellja e gjarprit. Plot helm por nuk ka ku kafshon se s’ka dhëmbë, kështu që vetëm vjelle për të pastruar trupin nga helmi.

Puna ime është transparente dhe monitorohet nga shume faktorë dhe nga qytetarët çdo ditë. Atyre ju kam dhënë llogari dhe do të jap sado nevoja. Nuk di kujt i jep Bekimi llogari, por se jep, jam i sigurt për të. Do të shihet së shpejti. Mendoj se për të urtin mjafton, thotë populli, besoj se për Bekim Adilin dhe ky reagim mjafton. Nuk do të merrem me Bekimin në të ardhmen për asgjë. Je i vogël për punët e popullit zotëria juaj. Merru me cikërrimat si gjithmonë. Aty e ke vendin.