17-vjeçari Kapet duke drejtuar BMW pa patentë automjeti konfiskohet?

Më 10.02.2026, në orën 10:40, në rrugën “Vëllezërit Gjinovski” në Gostivar, zyrtarë policorë nga DPB Gostivar kanë privuar nga liria një 17-vjeçar nga fshati Banjicë e Epërme, rrethina e Gostivarit.

Gjatë kontrollit në trafik, policia ka ndaluar një automjet të udhëtarëve “BMW” me tabela kombëtare sllovake, të cilin e drejtonte i mituri, dhe është konstatuar se ai nuk posedonte leje drejtimi.

Me urdhër të prokurorit publik, automjeti është konfiskuar, ndërsa pas dokumentimit të plotë të rastit ndaj tij do të parashtrohet parashtresë përkatëse.

/TS