Shoqata e të verbërve në Kërçovë shënoi Ditën ndërkombëtare të Shkopit të bardhë

Me një solemnitet modest, Shoqata e të verbërve në Kërçovë sot shënoi Ditën ndërkombëtare të Shkopit të bardhë. Me këtë rast u tha se kjo shtresë e njerëzve ka nevojë për një përkujdesje më të madhe institucionale dhe shoqërore dhe krijimin e kushteve dhe zgjidhjen e problemeve me të cilat ballafaqohen të verbrit dhe personat me shikim të dobësuar.

Në referatin kushtuar Ditës ndërkombëtare të Shkopit të Bardhë, që e prezantoi Kaltrina Sulejmani u potencua se 15 Tetori është simbol i kësaj kategorie të njerëzve që jep mesazhin për një përkujdesje më të madhe institucionale dhe shoqërore, në përmirësimin e kushteve dhe zgjidhjen e problemeve me të cilat po ballafaqohet kjo shoqatë.

Personat e verbër dhe ato me shikim të dobësuar, tha ajo, nuk kërkojnë të drejta të veçanta, por vetëm ndihmën elementare që ato të ndjehen si pjesë e respektuar e shoqërisë civile. Edhe përkundër kushteve të këqija dhe mungesës së zyrës, shoqata ka realizuar një varg aktivitetesh që janë mbështetur nga komuna e Kërçovës.

“Mirënjohje për mbështetje të vazhdueshme kryetarit Dehari i shprehu edhe sekretari i shoqatës, Zenel Zylbehari, i cili kërkoi nga institucionet shtetërore të angazhohen shumë më tepër në krijimin e kushteve për të verbrit, sepse punësimi i tyre do të ndikonte në integrimin e kësaj kategorie si pjesë e barabartë e shoqërisë civile.”, – theksoi koordinatorja e shoqatës, Arlinda Sulejmani.

/mrt shqip SHABAN DALIPI