“Tartufi” i Kërçovarit Qëndrim Rijani, triumfon në Festivalin e Teatrove në Ferizaj

Shfaqja më e mirë, regjia më e mirë, roli më i mirë episodik dhe roli më i mirë dytësor, janë katër çmimet që kanë shkuar vetëm për shfaqjen “Tartufi” të Teatrit të Gjilanit, në regji të Qëndrim Rijanit, transmeton TV21.

Krahas Qëndrim Rijanit, Alban Shahiqit dhe Aurita Agushit, në Festivalin e Teatrove në Ferizaj janë shpërblyer edhe Yllka Brada për kostumografinë më të mirë në shfaqjet “Kamarja e turpit” të Teatrit Kombëtar të Kosovës dhe “Tartufi” të Teatrit të Gjilanit.

Ndërkaq çmimi special i jurisë është ndarë për shfaqjen “Togeri i Inishmorit” të teatrit “Adriana”, “Yll në ardhje” i është ndarë Albina Krasniqi për rolin në shfaqjen “Charles III” dhe ai “Ismail Rama” për aktorin më të mirë, Ernest Malzogut për rolin në “Audienca”. Çmimin “Adriana” për aktoren më të mirë e ka marrë Suela Bako për rolin në shfaqjen “Çifti i hapur” nën regji të Sulejman Rushtit, produksion i Teatrit të Gostivarit.

Paraprakisht njoftuam se çmimi i skenografisë më të mirë ka shkuar për Enes Dearin e Teatrit Shqiptar të Shkupit.

/TV21