“Politikanët” e Maqedonisë që nuk u sollën kurrë para drejtësisë..!

Njëri politikan, i njohur si tregtari, e fitoi milionin e parë duke shitur shalqinjë dhe domate dhe u dashurua me një vajzë të re!? Tjetri vodhi miliona, mori nënshtetësinë bullgare, shëtiti gjithë botën dhe filloi të merret me poezi.

Një nga politikanët e lartë, duke shitur pjesë të armatimeve bëri miliona dhe sot jeton si profesor i nderuar! Njëri i privatizoi të gjitha fabrikat, i shkatërroi dhe në fund i blenë miqtë e tij me çmime qerasharake!E tjetri, erdhi si një boksier me brekë të shqyera, u bë milioner dhe në fund iku si azilantë!

Ne jetojmë në një sistem politik, i cili përbëhet nga një varg normash dhe rregullash, përmes të cilave kontrollohen aktivitetet në shoqërinë tonë.
Të gjitha shoqëritë janë komplekse dhe ato mund të funksinojnë vetëm nëse respektohen dhe zbatohen dispozitat ligjore.

Ligji duhet të vlejë njësoj për të gjithë, sikur për pushtetarin, ashtu edhe për qytetarin.
Dhe pikërisht, këtu çalon Maqedonia e Veriut, sepse po përballemi me anomalinë, ku politikani apo pushtetari qëndron në majen e kierakisë ligjore!

Ai është mbi Kushtetutën, mbi ligjet, mbi aktet nënligjore, dhe mbi çdo rregull tjetër.
Politikani apo pushtetari jonë, kontrollon edhe gjykatat, institucione që merren me interpretimin dhe zbatimin e ligjeve.

Në këto rrethana shteti është i dobët dhe politikani është i pa prekshëm. Si pasoj, ai me lehtësi i fut duartë në hambarin e shtetit dhe merr sa ti doj zemra e shpirti.
Edhe nëse del jashtë lojës, (off side) ai prap shënon gol dhe goli i tij llogaritet, ai bën rregullat që ndikojnë në botën e biznesit, por biznesit që lidhet me të dhe të afërmit e tij.

Ai hap kompani nga zeroja, përgatitë ligjet, përgatitë tenderin, e fiton tenderin pa konkurrencë dhe transparencë dhe në fund pasurohet.
Të tillë janë të gjithë politikanët në Maqedoninë e Veriut.

Njëri politikan, i njohur si tregtari, e fitoi milionin e parë duke shitur shalqinjë dhe domate dhe u dashurua me një vajzë të re!?
Tjetri vodhi miliona, mori nënshtetësinë bullgare, shëtiti gjithë botën dhe filloi të merret me poezi.

Një nga politikanët e lartë, duke shitur pjesë të armatimeve bëri miliona dhe sot jeton si profesor i nderuar!
Njëri i privatizoi të gjitha fabrikat, i shkatërroi dhe në fund i blenë miqtë e tij me çmime qerasharake!

E tjetri, erdhi si një boksier me brekë të shqyera, u bë milioner dhe në fund iku si azilantë!
Të gjitha këta krerë shtetëror maqedon e kanë drejtuar shtetin, e kanë vjedhur shtetin dhe asnjë nuk është dënuar. Veprat e tyre janë vjetërsuar, janë fshehur nëpër sirtarë, e çfarë nuk ka ndodhur.

Ata dhe rrethi i tyre shoqëror sot zotërojnë 90 për qind të kapitalit të vjedhur nga shteti.
Ku është Ligji këtu? Ku janë Gjykatat?, Ku janë qytetarët për të kërkuar përgjegjësi?

Këtyre ditëve po kërkohet hetim për drejtuesin dhe dirigjentin e shqiptarëve për vite me rradhë në Maqedoninë e Veriut.
Dakord, le të hetohet, por të hetohen edhe rastet e lartëpërmenduara. Drejtësia nuk duhet të jetë selektive, drejtësia nuk njeh racë, komb, gjini apo moshë…
Kur ishim te Ligji, Ligji vlen për qytetarin e varfër dhe të shkretë, Ligji nuk vlen për politikanin dhjamosur.
Shkruan Muhamer Pajaziti

/ina