Virusi korona në Maqedoni, 1.921 persona janë në vetëizolim

Derisa vazhdon gjendja e jashtëzakonshme në Qendrën Zhupa dhe në Dibër për shkak të epidemisë së virusit korona, rreth 56 qytetarë do të dislokohen nga vikendshtëpizat në afërsi të këtyre dy vendbanimeve ndërsa do të nisen drejt shtëpive të tyre.

Si pasojë e gjendjes së jashtëzakonshme për momentin në Dibër nga qytetet tjera të Maqedonisë së Veriut janë bllokuar 94 persona, ndërsa 26 persona tjerë të bllokuar janë shtetas të huaj, kryesisht nga Suedia.

Në nivel të shtetit për momentin 1.921 persona janë në vetëizolim.

Gjatë 12 orëve të fundit në vendin tonë kanë hyrë 2.382 shtetas tanë kurse nga vendi kanë dalë rreth 1.659 shtetas.

/ts