Ohër një kafe kushton 120 denarë..

Pirja e kafesë po bëhet luks në Ohër. Çmimet e shërbimeve gastronomike, janë po aq të larta sa në kryeqytetet turistike evropiane, ankohen qytetarët.

Një kafe në qendër të qytetit me pamje nga liqeni kushton deri në dy euro. Lëngu i frutave 150 denarë, birrë në disa vende kishte mbi 200 denarë. Çmimet e ushqimeve lëvizin nga 6 euro e lart.

“Kafeja është një nevojë e përditshme e njerëzve dhe këtu fitohet. Përndryshe, kjo nuk kushton as 10 denarë. “Secili do të pijë kafe”.
“Kafeja kushton po aq edhe në Spanjë”. Edhe në Kroaci kemi qenë këtë verë, çmimet janë të njëjta si në Ohër, por të ardhurat janë ndryshe. Çmimet janë si në Majorka”.

“Dy euro për një kafe është tepër, po për çfarëdo xhepi le të jetë”. Nuk ke mundësi të pish kafe çdo ditë, por një herë në javë do të dalësh dhe do ta bësh atë luks…”.

Gastronomët i lanë çmimet e larta si në mes të stinës së verës.

“Banorët e Ohrit thonë se kudo që të ulesh ne jemi gjithmonë turistë në qytetin tonë për 12 muaj. E kuptoj që si në qytetet e tjera ka çmime sezonale dhe pas përfundimit të sezonit çmimet bien. Si në restorante ashtu edhe në kafene në kohën e ish-Jugosllavisë kishte meny për të huaj dhe mysafirë vendas…”, tha Vllado Sukloski-punëtor turistik.

Gastronomët thonë se çmimet në objekte janë formuar në bazë të shtrenjtimit të artikujve që i përdorin.

“Pra, rritje të tilla dhe rritjet e pritshme të çmimeve të energjisë në të ardhmen na vendosin në pozitë të keqe, që si gastronom të mos mund t’i reduktojmë shumë. Çmimet në objektet gastronomike në këtë moment janë më të larta se sa pritej”, u shpreh Mihail Mishev-Kryetar i Shoqatës së Gatronomëve.

Gastronomët kërkojnë takim me pushtetin vendor, për të gjetur një zgjidhje për objektet në muajt e dimrit. Shumica e tyre kanë probleme për t’i paguar faturat e energjisë elektrike.

/Alsat.mk