Maqedoni: Për dy vjet çmimi i dizelit është dyfishuar.. (VIDEO)

Për dy vjet çmimi i dizelit në Maqedoninë e Veriut është rritur për 105 për qind, ndërsa çmimi i benzinës për 48 për qind, raporton SHENJA.

Sipas të dhënave të komisionit Rregullator të Energjetikës më 14 tetor të vitit 2020 një litër dizell është shitur për 50,5 denarë, ndërsa më 13 tetor të vitit 2022 një litër dizel është shitur për 103.5 denarë.

Ndërkaq, një vit më parë, më 13 tetor të vitit 2021 një litër dizel është shitur për 67,5 denarë.

Rritje drastike të çmimeve ka edhe te derivatet e tjra të naftës, por dizelli është ai që kryeson listën.
Pas dizelit rritje më të madhe të çmimit për dy vjet ka pas vaji ekstra I lehtë.

Të dhënat e Komisionit Rregullator të Energjetikës tregojnë se se një litër vaji ekstra i lehtë më 14 tetor të vitit 2020 ka kushtuar 50 denarë, ndërsa më 13 tetor të vitit 2022 një litër vaji eksta I lehtë shitet për 99 denarë. Më 13 tetor të të vitit 2021 një litër vaji ekstra I lehtë ka kushtuar 67 denarë.

Çmimi i benzinave për dy vjet është rritur për 30 denarë në litër.
Më 14 tetor të vitit 2020 një litër EUROSUPER BS -95 ka qenë 59.5 denarë, EUROSUPER BS -98 ka qenë 61.5 denarë.

Ndërkaq me 13 tetor të vitit 2022, EUROSUPER BS -95 shitet për 89 denarë për litër, ndërsa EUROSUPER BS -98 shitet për 91 denarë në litër.

Vjet, më 13 tetor 2021, EUROSUPER BS -95 ka kushtuar 75.5 denarë në litër, ndërsa një litër EUROSUPER BS -98 ka qenë 77.5 denarë.

VIDEO:

/SHENJA/