E rëndë! Nusja bën për spital vjehrrën..

Tiranë- Nusja dhunon rëndë vjehrrën e cila ka përfunduar në gjendje kritike te Trauma në Tiranë, tashmë me shpretkën e hequr.

Mariana Çinari 61 vjeçe ka treguar për mediat se nusja e saj Elena Çinari ushtron dhunë ndaj saj prej 3-4 vitesh.

E moshuara ndodhet te Trauma pasi nga rasti i fundit i dhunës prej nuses asaj i janë dëmtuar rëndë organet e brendshme dhe ka nevojë për gjak.

Prej 3-4 vitesh jam dhunuar nga nusja e djalit. Kam marrë urdhër mbrojtje në gjykatë por më rrahu sërish. Familjarët e të moshuarës në fshatin Dimal kanë treguar se më 6 tetor, 25-vjeçarja Elena Çinari ka dhunuar barbarisht me sende të forta vjehrrën e saj 61-vjeçaren.

Si pasojë e dhunës të ushtruar, 61-veçarja pësoi hemorragji të brendshme dhe mjekët i kanë hequr shpretkën. Asaj i është dëmtuar rëndë pankreasi dhe organet e tjera, si stomak, mushkëri dhe mëlçi.

Jam Mariana Cinari e dhunuar nga nusja e djalit prej 3-4 vitesh Elena Çinari. Kam vajtur në procese gjyqësore me të, kam marrë urdhër mbrojtjeje.

Kam vajtur sërish pas urdhrit të dytë të mbrojtjes, por bëri sërish sherr me mua dhe më rrahu, më shahu dhe më thanë s’kemi çfarë të të bëjmë më, drejtoju Prokuorisë. Tani jam në këtë gjendje kritike për jetën time. Unë dua ta marrë dënimin Policia e Beratit, pse nuk mu gjend pranë.

Kam marrë vëllain në telefon që më çoi në Berat dhe nga Berati këtu në Tiranë dhe prap nuk dihet jeta ime. Mua më duhen miliona lekë për të blerë gjak, por ku t’i gjej.

Unë jam një familje fukarai, s’jam e pasur. Nusja në punë, unë rri spitaleve të Tiranës. Nusen unë e dua në burg dhe të marrë masat shteti dhe policia që nuk di të sillet me qytetarët.

/ts