Kërçovë:Punimet e autostradës shkatërruan rrugën e Krushinës..! (VIDEO)
Për më shumë se 5 vite gjendja e rrugës lokale të Qendrës rekreative Krushinë e cila të çon edhe në fshatin Knezhinë të Kërçovës, ka mbetur e gërryer dhe e pa asfaltuar.
“Rruga Kërçovë-Krushinë e cila është rrugë shumë e frekuentuar nga kërçovarët për shkak të hapësirë rekreative sportive të citat ndodhen lartë, vazhdon të jetë në gjendjen e njëjte gati prej 5 vitesh.
Kjo rrugë u gërrye kur filluan punimet e ndërtimit të autostradës Kërçovë-Ohër dhe prej atëherë u la si e tillë. TV21 ka raportuar disa herë për gjendjen e kësaj rrugë, kemi marr pretime për realizimin e saj, por deri më tani nul< është ndërmarr asgjë”, deklaroi Salije Sadiku-gazetare e TV21.
TV21 kontaktoi NP “Rrugët shtetërore”, e nga atje thonë se po përgatitet dokumentacion teknik për rikonstruimin e kësaj pjese të rrugës.
“Me ndërtimin e autostradës A2, pjesa Kërçovë – Ohër, nënndarja Kërçovë -Podvis, ka ndodhur rrëshqitje e dheut në rrugën lokale që shpie në Krushinë.
NP “Rrugët Shtetërore” ka përgatitur dokumentacionin teknik për rrugën lokale dhe për momentin po zhvillohen punimet përgatitore dhe tokësore për ndërtimin e saj”, thonë nga N.P. “Rrugët Shtetërore”.
Ndërkaq nga Kompania Granit e cila po zhvitlon punimet në këtë pjesë të magjistrales i thanë TV21 se nga java që vjen do të fillojnë me punimet për rregullimin e rrugës.
“Problemi që kishim me dokumentacionin dhe drunjtë është zgjidhur dhe për disa ditë do të fillojmë me punë sapo të hapin rrugë pylltarët”, theksojnë nga kompania GRANIT.
Kjo rrugë është shumë e frekuentuar nga vendasit të cilët bëjnë sporte të ndryshme, por edhe familje të cilat dalin për piknik. Por prej 5 vitesh një pjesë e kësaj rruge është gërryer dhe është lënë ashtu. Kjo vështirëson edhe lëvizjen e automjeteve sidomos tani gjatë stinëve vjeshtë dhe dimër.
VIDEO:
/tv21
