Humbi babain gjatë luftës, xhaxhallarët i dhurojnë mbesës 58 mijë euro..

Ilirjana, vajza e dëshmorit Besim Tiku, i cili mbeti i vrarë gjatë luftës në Kosovë, ka kurorëzuar dashurinë e saj në martesë.

Në këtë ditë speciale për të, xhaxhallarët e saj janë kujdesur që t’i përmbushin sadopak mungesën e të atit, që e la kur ishte vetëm tre muajshe.

Ata gjithashtu i kanë dhuruar mbesës së tyre një çek me 58 mijë euro. Në foton që është bërë virale në rrjete sociale, ata shihen teksa i japin nuses çekun e parave.

Besim Tiku u vra nga forcat serbe më 3 maj të vitit 1999, atëhere kur serbët ndërmorrën një ofansivë sulmi e rrethimi ndaj fshatit Shtuticë.

/albora