Kërçovë kapet vjedhësi i druve..

MPB-ja njoftoi se dje nga ora 04:00 deri në ora 08:00 është kryer kontroll aksionar në 43 lokacione ku kryhen gjueti në territorin e Republikës së Maqedonisë së Veriut, ku janë kontrolluar 189 persona, automjete dhe bagazhe. .

Gjatë kontrolleve, në ora 04:30 në rrugën lokale për fshatin Dobrenoec të Kërçovës, zyrtarë policorë nga OVR Kërçovë kanë ndaluar veturën e udhëtarëve “Landrover” me targa të Kërçovës, i drejtuar nga G.S.(56) nga fshati Drugovë.

Njëkohësisht kanë konstatuar se i njëjti në mënyrë të kundërligjshme ka transportuar dru zjarri dushku, i cili është konfiskuar dhe i është dorëzuar Policisë Pyjore-Kërçovë për veprime të mëtutjeshme. Pas dokumentimit të plotë të ngjarjes, MPB Kërçovë do të dorëzojë raportin përkatës.

Gjithashtu, gjatë kontrollit janë konstatuar disa shkelje sipas Ligjit për Sigurinë në Komunikacionin Rrugor dhe Ligjit për Automjete, të cilat janë sanksionuar në përputhje me rrethanat.

/ms