Ç’popull jemi ne kështu..?!
Ia ka shkel dikush livadhin, del mendsh burri dheut, turrevrap ta vrasë, kurse me shekuj çdo regjim ia ka shkel dinjitetin, ia ka përdhos krenarinë, gojën nuk e ka hap.
Ia ka gërvish dikush veturën në komunikacion (edhe pse ka siguracion), namin e le, e kërcënon, shtyhet, e godet, por që spitalin ku jeton e ka për faqe të zezë, as një fjalë nuk e thotë.
Gjithë bota i ka faj për çdo dështim të tij, vetë është melaqe, lule për t’i marrë erë, nuk flet me babë e nënë, vëlla e motër, fqinjët i bëjnë magji, ama kryetarit, sherifit të lagjes dhe sojit të tyre temena i bën.
Për një vepër humane, t’i ndihmojë ndonjë varfanjaku a studenti nuk i mjaftojnë paratë, curlaxhiut i hedh mijëra euro për një valle ku ai me cinganën deng përpara i rri.
Shtëpi nuk ka, por hyn në kredi deri në fyt për veturë luksi dhe pesë pare nuk jep.
Dija e fëmijës së vet nuk i intereson, a është në gjendje të ngrejë në këmbë gjithë botën për një notë kaluese, ose ta rrahë mësuesin…
Mentalitet interesant vërtet!
Shkruar nga Dr. Arbër Çeliku në facebook transmeton kercova.net
/ms
