Ende po punohet në sheshin e Kërçovës ! Dehari tregon kur do të përfundoj..(VIDEO)

Sheshi i qytetit të Kërçovës ishte një nga projektet kapitale të cilin e premtoi kryetari komunës Fatmir Dehari gjatë fushatës parazgjedhore. Punimet filluan në mars të këtij viti dhe një muaj më vonë Dehari tha se pret që në fund të korrikut punët do të përfundonin.

“Ka qenë një nga kërkesat apo prioritetet kryesore realizimi i këtij projekti dhe unë uroj që tanimë deri në fund të muajit korrik ky projekt të marrë epilogun përfundimtarë”- kishte thënë Fatmir Dehari, Kryetar i Komunës Së Kërçovës më 17.05.2022.

Tash jemi në shtator por punimet ende vazhdojnë, me ritëm të ngadaltë.
“Ndodhemi në sheshin e qytetit të Kërçovës ky shesh ka filluar të ndërtohet në mars të këtij viti dhe ishte paraparë që në muajin korrik të ishte i përfunduar, por siç duket punimet ende po zhvillohen dhe nuk është ndërtuar as gjysma e sheshit të Kërçovës. Pritet të shihet se edhe sa do të zgjatet afati për ndërtimin e këtij sheshi”.

Kur e pyetëm Deharin, ai tha se në fund të tetorit do të duhet të ketë përfunduar, ndërsa fajin për zvarritjen e punimeve e hedh tek kompania e ndërtimit.

“Në javën e katër të tetorit duhet të jetë i përfunduar, sipas dinamikës së kontratës, sa i takon afatit të korrikut ishte premtim që e dha kompania që po zhvillon punimet, por ja që ende po zhvillohen. Por gjithsesi ka hapësirë deri në tetor sipas kontratës”- tha Fatmir Dehari, Kryetar i Komunës Së Kërçovës.
Pllakat e vjetra po zëvendësohen me të reja. Ky projekt kap vlerën 800.000 euro, mjete këto të ndara nga TAV-Maqedoni.

VIDEO:

/tv21